男女關係..心理..女仔可以追男仔....可以請男仔ma?

你既遭遇企得我同情既 ,

如果你係我家姐or妹 ,

我一定打鑊個男仔。

why ?? 本人一生最食軟飯既男仔......

雖然「寧教人打仔 , 莫教人分妻」 ,

但我唔多睇好你地呢段情。

仲有你係咪真係愛佢 ??

你願意付出既係物質上既東西 ,

而唔係關懷果種 ,

我希望你明我講咩。

你而家既情況 ,

嚴格上黎講可以話貼仔。

而家你沒經濟能力佢咩都要你俾哂$$ ,

結左婚仲得了......

我都係男仔 ,

我以你bf 為恥......

希望你唔好怪我咁講。

另一方面 ,

你講既缺點根本唔係缺點 ,

如果你bf 介意既 ,

佢根本就未必係love你 ,

就算係都唔會好愛。

我係你我會選擇放手 ,

我係女仔就一定接受唔到貼仔 ;

就算我係男仔 ,

亦唔可能比女貼。

祝你搵到個真正既好男仔 ^^

2008-04-24 19:47:56 補充：
第4行打漏字 :
why ?? 本人一生最憎食軟飯既男仔......

我覺得你未必鍾意佢o既,當一個人鍾意人既時候,都會全部野都比哂

佢嫁!!!

一個禮拜後,還決定 la !!!

其實成件事再簡單不過，跟本你自己都知道發生緊咩事。
你就更係鍾意佢啦！路人甲乙丙叫你請食飯你會唔會先？
我叫你送個PRADA銀包俾我又得唔得呢？
我估你對屋企人都無咁好！
個男仔一d都無鍾意你亦唔會鍾意你，佢只係利用你。
你試諗下，邊有人會開聲同人講要咩禮物架？
除非係家人同情侶關係啦！
佢係朋友面前一定沾沾自喜，同人講自己有幾威，有條女點冧佢。
成日請佢食飯又送禮物俾佢。
呢d厚顏無恥之徒，我見唔少啦！
佢d錢只會留黎溝女用，死心把啦！
當識少個朋友，呢種人連做朋友之格都無，只係垃圾。
你仲後生，好多機會黎緊，我相信你好快就會有真愛出現。

對方年紀幾大?? 同年???
整件事黎睇，我只覺得佢係咁利用妳，
妳都識講，妳今年先18歲、無咩經濟能力及仲係讀緊書的學生，
咁妳有得請佢食飯既錢同埋買禮物既錢，
我相信係妳家長比妳的零用錢啦，
妳諗深一層，妳的家長若然知道佢地咁辛苦工作搵來既錢，
係比妳咁樣用法，妳會唔會覺得過意唔去呢???

正常約會係可以AA既，無需次次都係其中一方支付費用既，
若男方係真對妳有好感的，
係唔會次次都係妳支付，佢實會搶住話請妳啦~!!

「而且覺得自己好傻 好蠢~~~~ 同成日請佢好蝕底..」
妳識咁諗就好啦，知道咩係蝕底先，
佢話「今餐你請」，佢都唔會唔好意思，
若然妳想試佢既，妳可以答返佢「咁今餐到返你請掛~!」
咁妳就可以從佢答妳的說話中，睇下妳係佢心中係咩地位囉~!!
唔使睇我都估到，妳自己決定是否再繼續落去啦~!!!

黎個重點分析啦~!
人既樣及打扮唔代表住個人的好壞，
染金毛紋晒身是否就代表壞人~???
靚仔就一定係好人~????

同佢出街會好唔自在既，
咁之後再一起亦會好唔自在，
接受到旁人的指指點點既，一齊就無彷，
接受唔到既，只會比自己更多既無形壓力，最終只會苦了自己明嗎??

最後，佢生日，妳問佢要咩，跟住妳就買咩比佢，
生日送禮物比心上人係件好事，
但個份禮亦都要視乎自己的負擔內先得，
唔係身上有幾多錢就買盡黎送，跟住開心完後無錢過日子，
生日禮物係出於心意架，唔係名牌子就係好架!!!!!!

鐘意男仔唔係要鐘意佢個外表和型仔的，因為你太年輕，還不知道外表和型仔係變得好快，而且不會幫助你們之間的相處的！你要成熟Ｄ啦，唔好再以外表作準啦，你會碰釘，而且會受很多苦的，我是過來人，希望你學得比我快和聰明！
你和他之間根本沒有男女愛情的存在，你其實係度討好佢，因為佢靚仔，你缺自信，覺得自己唔靚，又多缺點！我建議你不要再係佢身上花錢和時間，因為男女真正的愛情不會建立在金錢上的，佢生日，SEND SMS囉，佢又唔係你男朋友，你不要倒追他啦，你會攪到自己更自卑的，除非你好有自信，就是對他無要求，他用你錢你都唔介意啦，就好似養小白臉一樣，但你唔係呀嘛，你成日比佢攞著數，佢係唔會珍惜的，因為佢會覺得你比佢係你自願的！
你不要再咁做啦，因為他這種人連朋友都不值得你去交，你可以告訴自己除了外表，他的人品有沒有２０點是作為普通朋友的你，值得為他打拼江山的？（例如：他做事為己為人都盡責，他為身邊的朋友著想，寧願自己吃虧也不負他人......)
想到20項優點的話，最後就是，友情都係雙方的，如果你仍感到自己是一廂情願，那你就是在施捨給他，這裡更沒有男女關係的愛存在！
也許你鐘意佢，這只是你現在成長時的必經之路，但你必須要找對人才付出，你可以放心，我保證你對他可以放手的，因為從你的發問，你現在已經唔多欣賞他本人，而且是他的性格令你唔欣賞，這缺少內在欣賞的元素的話呢，又點有發展成為男女朋友的可能性呢！

妳在養小白臉嗎?不過這種行為只適合有錢的女人, 應該不適合妳吧? 妳說妳沒有經濟能力
妳是喜歡他到爆炸, 但是他喜歡妳嗎? 下次不妨問他一下, 問他說他接受妳的禮物, 是不是代表愛上妳了?
男生身邊有像妳這樣的女生, 他只會很得意, 但是不會很鍾意; 如果用錢可以收買愛情的話, 這世界上只有有錢人才可以拍拖結婚了
妳自己好好想一想, 不奢望作為最佳解答, 只求能成為最忠言逆耳的答案, 那才對妳有幫助

你平時多唔多請佢架~我都係女仔, 我覺得請男仔係無咩問題,
不過要有來有往囉, 次次都係你請佢當你係提款機咩?
佢係唔係你男朋友黎架~

咁我又覺得你又未必中意佢既, 咁有時做善事果d都係想捐錢/送野比窮人,但咁都唔代表你中意果d人既...當然呢個只係一個舉例,唔係講緊你地係咁既關係la.

但個人覺得如果次次出街都係由個女仔請既話,呢個男仔都唔係几要得咯...明知你都係學生經濟能力都係咁上下架la...有乜理由要次次都要你比...建議你搵次同佢食快餐果d呀,叫佢囉位先,你自己去買自己果份先,買完join返佢,同佢講到佢買,睇佢仲會唔會自己比錢去買...當然la要係去之前問定佢肚唔肚餓先喎...如果唔去/比平時買得少既, 咁我覺得佢應該一直搵緊你笨咯...連自己果份都唔肯比錢買,更何況要佢請你咯...如果真係咁既你自己小心d咯...睇佢做fd仲可以,但建議唔好咁用心去諗進一步發展既野咯...