新手養長毛芝娃娃的問題...

你買佢番來第一樣野要做就係比獸醫檢查一下. 確定是否健康先. 我都試過係MK買狗, 大意冇帶佢檢查, 結果買左第四日病發. 醫左好多錢, 好彩救得番. 如果未同佢睇獸醫, 立刻行動. 查到冇事就安心, 如果有事都係保障期內易D處理.

我買狗時店員又係話兩餐, 點知獸醫話兩個月狗BB分三餐比較好. 佢一日食三餐較健康, 因為芝娃娃身型細, 個胃仔好細, 所以少食多餐比較好, 佢會容易消化D. 你可以早午晚三餐 (例如早上七點, 中午一點, 晚上七點), 中午個餐份量可以比少D.

糧的多少每隻狗有差異, 如果食唔晒或者大便太軟即係多得滯, 如果大便較硬即係份量太少. 你慢慢就會知佢食幾多, 初初唔好比太多, 可以慢慢調高番比佢. 直到佢四個月, 就可以一日兩餐, 每餐份糧比多D佢.

仲有, 天氣越來越熱, 你唔好由得D狗糧放係到十個八個鐘, 會有細菌, 佢仲係BB, 消化同免疫力仲未發展好, 要小心照顧(零食唔好比甘多), 到佢打晒預防針就會好強壯嫁啦.

你比野佢食, 同佢玩之前都叫佢個名, 好快佢就會識自己個名嫁啦.

希望佢快D長大, 健健康康.

真係要快D帶佢去獸醫度檢查下．除左驗下佢身體有無問題之外，佢係咁RR下要問下醫生佢D皮膚有無事，有無狗蝨同耳蝨 (好可能因為有蝨所以先會周不時RR下)．
杜蝨杜蟲都係必須做嘅野．(放心啦，就算有蝨都可以杜走嘅，但係要注意日常清潔同衛生．)

另外養狗其實係要領狗牌，植晶片，打瘋狗症預防針，呢D都可以睇獸醫嘅時候一次過做晒佢．所以點都要見見獸醫．

人地話狗嘅一歲等於人嘅七歲，如果係的話你隻狗BB仲係非常之細，應該未有咁快識聽自己個名，比D耐性．

以我所知其實BB 4個月以下最理想緊係食返狗媽媽嘅奶，4個月以後先慢慢戒奶．你個情況當然無可能啦，唯有買D BB糧比佢啦．去正式寵物店買D 幼太嘅狗糧．

狗BB唔好餵咁多零食比佢，零食幾時都好食過正餐，如果你BB習慣食零食多過正餐的話好自然會營養不足，BB時期更加要留意．

早晚一餐其實係夠嘅，問題係你數住20粒比佢我驚遲早餓瓜佢，最簡單方法當然係睇返狗糧上面嘅指示啦．

就咁「ar...ar...ar...」幻想唔到是咩聲，不過如果牠對你擺尾可能係肚餓，因為我隻狗每朝都係咁；

牠成日 R 可能係身痕，得閒搵啲梳同牠梳下，梳甩咁啲毛當同佢 R 下順便曾進感情和令牠舒服吓都好...但有啲人話細狗仔唔好成日沖涼，因為易病喎，自己留意下喇；

餵食大約早晚一次，平均番個時間就 ok；

2 個月的話，我諗大約是 3 歲半，你說得對；

應你嗌佢方面，隻隻狗不同，我那隻細個時開頭成日有事無事都嗌牠，尤其俾時佢食時都嗌、同牠玩又嗌，慢慢就識應呢。

2008-04-16 11:39:15 補充：
時間都 ok，半夜牠都應該睡了，如果還常常餓，給多點牠吃吧；

正餐我都有叫下，但訓練用的零食較多，因為較能吸引到牠注意。