有關告發危險駕駛(緊要)

假如你以後再遇上這種情況，受到飛車時所產生嘅聲浪滋擾，而令你不能入睡，我建議你應該即時打999報警，由警方直接到場處理，而毋須事先經得屋苑的管理公司或保安員嘅同意。
雖然你所居住的單位和屋苑範圍內均屬於私人地方，但你仍然可以受到嘈音管制條例所保障，特別是嘈音管制條例第四條和第二十七條。詳情請到以下網址看看：
http://www.epd.gov.hk/epd/tc_chi/environmentinhk/noise/guide_ref/files/book2.pdf
當然，佢地勁大聲講嘢，喺嗰段時間一定係構成滋擾。至於佢地嘅車係咪有非法改裝，就要視乎當時嘅情況，若果當時到場的警員有合理理由懷疑涉案車輛被非法改裝，警察係有絕對的權力將涉案車輛扣留，再由運輸署嘅驗車官進行驗車，以確定車輛有否被非法改裝。

2008-04-17 01:28:34 補充：
除咗嘈音之外，若果嗰班飛車佬有不正確的駕駛行為，警察亦有絕對的執法權力，去檢控呢啲違反交通規則嘅駕車人仕。所以，你以後再遇上這種情況，受到飛車時所產生嘅聲浪滋擾，而令你不能入睡，你應該即時打999報警，由警方直接到場處理。