救救龜龜....好擔心....(請有真實經驗或專業人士答)

佢隻眼已經勁發炎到龜精靈這類的成藥都無用, 即表示一定要去大圍睇醫生了, 否則不食野只有死路一條.
你都已經試過浸藥係唔得, 就唔好又買其他成藥比佢, 只會拖延病情, 同浪費金錢, 佢抵抗力已經好差, 一日醫唔好唒佢對眼, 都係治標唔治本, 食野係要自願, 灌佢係無意思, 亦無可能. 你病到由頭爛到落腳, 有什麼可能唔睇醫生, 是旦搵一些唔知是什麼的藥來醫得好, 更何況你已經試過了龜精靈, 因這隻藥係專醫你講個種病, 而家唔得証明已經太嚴重, 你只有盡快帶佢去大圍珍禽異獸醫院找Dr. Tiger or Dr. Lim, 佢地醫龜係好出名, 再拖佢真係等唔到啦 !
我兩隻龜好似食極都唔飽, 而你隻龜就唔食野, 又唔郁, 成廿幾度那麼熱 , 你仲問佢算不算嚴重? 有什麼生物係唔食野可以唔死 ? 你話好緊張佢, 那你還等什麼呢 ?
你知唔知有好多龜其實係因為主人拖到無可救藥時才帶牠去見醫生, 但已經太遲, 就推說龜是那麼易死的了, 無法啦 ! 但其實只要有乾淨水, 唒太陽同足夠的食物, 龜可以好長命, 易養過貓狗好多.
唔好再等奇蹟出現, 如果真係是但浸下就得, 無人讀獸醫啦 ! 我都做得啦 ! 我唔想在緊張關頭仲是但寫一堆成藥, 攞佢條命黎較飛, 因為佢係你隻寶貝, 可能仲有好多人叫你試呢樣, 試個樣, 再試黎試去, 到佢死左, 只有你一個人傷心炸, 你明白嗎 !!!!! 快打 2687 1030 !!!!!!!!!!!!!!!

2008-04-18 10:56:31 補充：
哇 ! 要捱到星期一嗎 ? 唉 ! 下次有事記住早些去預約, 因這個時候有好多人都係發覺點解冬眠完都仲唔醒 ? 其實係佢地無野食幾個月, 病到就黎死, 開唔到眼, 人就以為龜冬緊眠, 到發覺時已經太遲.
我剛剛都打過去大圍幫你問現在有什麼可以做到, 但佢答無, 不過你現先比太陽燈佢照, UVA , UVB , 令佢增強鈣質同抵抗力, 不斷換一些乾淨的暖水比佢浸, 等佢舒服一點, 鹽水我怕佢依家損手爛腳會不舒服, 眼同皮膚發炎好大機會係水有細菌.

2008-04-18 10:56:36 補充：
我上次去大圍, 都係因為龜龜病到唔肯食野, 瘦到好似就黎死, DR. Lim就比一樽粉劑開水比佢飲, 用來等佢唔食野個陣頂住先, 我轉頭返屋企抄底個名比你, 依家太陽少, 要買太陽燈佢照, 補充維他命.

你隻龜係受了細菌感染以致皮膚出現白色物體和矇眼症,通常都係因水質污染所引致。是龜的類的常見病。

你以家這龜病成咁,落咩藥都無用啦!!我以前隻龜又係試過好似你隻龜咁,不過自己當時唔知點醫,最後死左「>.<」.....

我都係建議你帶佢去看醫生吧!既然你隻龜跟左你咁多年,小小付出都是值得的,你認為呢?

其實你的龜有沒有反應架?
我的龜都係養咗18年
有時都會唔記得換水
又唔係成日比野佢食
都係比少少水養住
但從未試過你說的情況
相信你的龜是有細菌感染
你唔好比水長期養住佢
試吓幫佢清潔身上的白毛
龜唔食野好難餵
你知唔知佢有無飲水呀
如果佢有飲水都仲好啲
比啲耐性同時間
牠一定會好番架