20點!急! 答下我! 傷人加自稱三合會會員!

抱歉的說，你兩位老友怕且兇多吉少，爭在有幾大獲。

佢落口供個陣只不過係話上前幫手==瓜得。不妨自已諗諗：有咩証據好得過，你自已都話---係！！---的？差人問口供就話幫手，上到庭就話無郁手，咁你話D謀殺案點告架？你估睇戲咩，餐餐都有証人見到、有手指模？咪又係靠被告人自已的口供話--係！！唔通條屍識彈番起身，去告人咩…

你企遠D，中立D，當自已係球証咁諗：人地打交，你話上前幫手，咁球証會點諗至合理？

仲有，武器點來？乜野類型武器？打打下，隨手執舊石，咁就一回事；帶定去，咁就另一回事，擺明有組織、有預謀，肯定大煲粥。

傷人有分第17、19、39、40。 39、40最輕，開呢兩瓣機會唔高，因為事主傷勢問題、爆左江、有武器。

19就屬例外罪行，規定不能判緩刑。17仲大獲，上地院，判刑起點為3年監。通常有架生都會上地院，除非真係打打下，隨手執舊石/樽，咁就好D。但有案例指，爆人樽應判監不小於12月…

自稱老黑就一般判9個月打上，有多無少，少過9隻要還神。大家明白，度度都有規矩，法庭規矩，你話最忌、最唔講得係乜野丫？下化？

但刑事訴訟程序條例規定21歲以下人士判刑前，法官要先law報告。老實講，有架生，打到爆江兼仲要自稱黑社會，仲想law感化、社會服務令報告？得就最好啦，不過我諗就 mun 左D勒…仲要已經守緊老感。

所以我老實同你講，呢D情況，以你老友的背景看，入勞役中心、更生中心算執贏，入教導所就正路。仲有得感化、服務令的話，就真係要還神了。

除非佢地上兒童庭，咁可能多d機會唔使受，不過佢地年紀，爆左錶喎…

下! 咁呢家我朋友1自稱3合會個條罪冇事!
咁佢仲掂唔掂呢!? 唔會連朋友1都入埋去牙嘛!?

完全同意三唔識七兄答案. 無得搞. 認罪可坐少三份一. 係咁多!

第一口供九成九都會作準的，所以你朋友1話上前幫「手」是很不利的，除非有證據指明朋友1是沒有進行肢體接觸，就可能會冇事，不過自稱三合會就一定冇得救架，既然佢自己承認左係三合會成員，就大部份都會告得入。
朋友2就一定冇救，打人又有武器，又自稱三合會，只要驗到指模就會告得非常之咁入，還受緊感化，還岩岩16歲，告得入就一定會留案底。受害人如果有同呢件事有關既傷痕同其他有關既傷口，告得入既機會就一定會大大提升。