唔用氣泵養魚可以嗎?

我以前都有在公司養魚仔，魚缸size 大約是兩個牛奶樽的玻璃瓶size，其實是花瓶來的。

1,只係用氧氣珠唔用氣泵可以嗎?(或兩樣都唔用)
答：我以前都是用氧氣珠，無用氣泵的，d魚一d問題都無。其實我個人覺得d氧氣珠是沒有用的，可能我經常換水，所以缸內的氧份充足！

2,有咩需要注意?
答：如果你只用類似牛奶樽的玻璃瓶內養，都無過濾器，所以d水就會好污濁，要成日換水lor。而且最好比乾糧，無咁快污濁！

3,要日日換水嗎?
答：都可以唔洗，你可以隔2-3日換一次，當然換水換一半la，因為新水問題，d魚唔多適應就會死。

4,有咩魚仔可以選擇?
答：一定是細細條魚la，我上次是養藍燈。我養左好耐先死！


Remarks
我建議你用個缸大少少，大約30cm (長) x 15cm (闊) x 30cm (高)。一套缸，又埋過濾，都好係幾十蚊左右。如果你只用類似牛奶樽的玻璃瓶內養，我驚好快會污濁，攪到你成日換水，你自自然然就無心機去養，因為我都是過來人。

氧氣珠對供氧係無用~
你要養魚既話,
買返個正宗既魚缸養會較好=__=''
養魚基本設備要:
魚缸+濾水器
呢兩樣都無就最好唔好養.....
因為我都試過用氧氣珠養魚,
買一次死清光一次~
最後我舅父送左個魚缸比我養= =v

氣泵好少人會唔用濾水器同嫁,
氣泵係因為超養先會用~
如果你係想用氣泵供氧既話,
我諗你都係買返個濾水器較好,
一黎可以供氧,
二黎可以過濾d水
好過用氣泵~
同埋好多氣泵既力都過大
魚會因為用晒力黎抵抗果d力而累死~

因為水唔可以日日換,
要一至兩星期換一次
無濾水器過濾水中既污糟野既話,
水質變差
差左魚就死
但係日日換水可以保持水既清潔
但係一個問題就係,
缸中既水同新水水質唔同,
水溫都唔同,
魚好難日日適應新水
仲有水喉水有氯氣,
要養一日水先用得
最終魚都係死~

養細魚既話
介紹你:
- 金魚仔
- 米奇
- 波子
- 孔雀(較難易d)

問:只係用氧氣珠唔用氣泵可以嗎?(或兩樣都唔用)

答:最好啦有氣泵啦～因為可以放氧氣.但係你問可唔可以唔用呢...你可以唔用,不過你要俾d空氣融係d水裡面.所以你唔可以cover個樽口囉.因為如果你cover左,就冇空氣可以融係水裡面,會冇氧氣,你d魚會死.

問:2,有咩需要注意?
答:唔可以成日餵野食,因為你冇濾水器,成日餵野會令到水質差.d魚會死.

問:要日日換水嗎?

答:一般係2~3日換一次水.但係如果你發現d水好污糟,你就換水啦～

問:,有咩魚仔可以選擇?

答:我覺得你應該養d BB魚,因為大魚係比較難養.同埋BB魚易滿足.你可以養下黑魔利,因為唔易死,好粗生.我由我2007年2月養到依家都冇死.不過會生bb魚囉...我買左六條,六條同我生晒bb...不過反正你都係養bb魚啦～都冇乜可能會生bb魚.

PS:空間太細會好容易令到你d魚精神緊張,死亡架!!我冇講笑.所以你都係養2~3條魚好d.

(1) 只有泰國鬥魚, 可以不用氧氣珠和氣泵, 只需一個裝coffee粉d樽, 就可以養一條鬥魚.
(2) 因為吾需用氣泵, 所以平時要注意水質潔淨.
(3) 吾使日日換水, 只要每隔三日換一次水就得, 水千萬吾好用水喉水, 一定要用養水, 無論任何魚都一定用養水養魚, 咩叫養水, 就是把水喉水, 放落一個容器內, 等三至四天先好放魚養魚.

希望幚倒你.

可以不用氣泵用氧氣珠的, 但只可養細小魚例如: 彩鳳、紅斑馬、
大尾魚等等, 最好到金魚街慢慢選擇, 水不用日日換, 可放水草増
加氧氣, 最好有陽光好讓它自然產生光合作用加強氧量吧!切忌
畏太多餐，　一星期２－３次便可。