清洗電鍍頭/尾防撞架污積問題

一般呢D電鍍料除左用"省銅膏"呢類物品捽之外，就無謂用其他溶劑去抹或其他物品去"磨"去"省"，當然如果你肯花錢去搵D打磨鋪同你拋過光就例外啦！用其他溶劑去抹或其他物品去"磨"去"省"一來好容易令電鍍變"啞"無光澤，二來如果整花左D電鍍，物品好容易生銹。

如果你想自己動手，我用過一隻"省銅劑"幾好，牌子唔記得，支野約6-7吋高，白色膠樽，一邊啤埋扁扁闊闊，一邊有個大圓扭蓋，好似D三四百毫升既護髮素咁樣，響鴨寮街間金X緻有得買，我早三個月前買$20，由於我試過分別用響五金鋪買既"省銅膏"同上述果支野，去清潔同一件電鍍料，上述果支野好用好多，當然已經氧化生左銹既就無計喇！

我唔知我果個清潔方法叫唔叫正確，但我係咁做。

先搵個無日頭曬既地方，用少量紅威寶清洗過水抹乾。

再用"威士"或軟綿布，落D"果支野"，依同一方向，打圈或直線來回輕捽，每次捽約1-2百平方厘米範圍，慢慢加力，再用乾淨既"威士"或軟綿布抹返未抹曬既"果支野"，即係好似打臘咁，窿窿罅罅可以用牙刷。