爛賭同事問我借錢,應如何拒絕?

因咩事借錢先？
如果借去賭錢既
小鑊金既佢
跟住話‘我咁辛苦返工搵錢借比你去倒？‘

借幾多先？
一百幾十就當佢講笑
同佢講‘好呀, 收工過數比你‘

一千幾百就同佢講
‘你問老闆借啦
老闆大把貨！！！‘

一萬幾千既就問返佢
‘你分36期還定分48期還呀？‘
如果佢答到你既
你就答返佢
‘咪喇！你Ｄ信貸紀錄咁唔良好，唔做你生意！‘

以上都係以講笑形式講
以下要好認真講

如果係其他既...
同埋佢係都幾認真咁問左你好多次既
我比個好正既答案你啦

‘我當你係fd我先唔想借比你咋
我真係好珍惜你依個fd架
我以前就曾經有個識左好耐既fd
佢果時屋企有D事突然要錢問我借
果時比佢求多兩求
一時心軟借左比佢
都無預佢會好快還晒比我架
點知佢果排都無搵我
我打比佢諗住約佢出黎食餐飯,飲下野
點知佢都無聽我電話喇
唉~唔知啦...
可能佢仲係無錢
以為我打去追佢數掛
原本諗住好心幫下朋友
點知幫到朋友都無埋

講真
我又搵得唔多
屋企又有D負擔
我都係食餐憂餐，每個月岩岩夠洗架咋
咁如果到時你無得還咁點丫？
唔通到時我追你數咩？

咁咪又無ｆｄ做
我寧願你而家嬲我好過無ｆｄ做丫～
大家一場同事
到時面阻阻就無謂啦

一係咁啦～
你再問下其他人先啦
真係借唔到既
而家銀行都唔係好貴息姐．．．
到時我陪你去銀行借囉．．．‘

其實好多時問人借錢就預左會比人拒絕
所以你唔係好需要擔心
反而如果你覺得唔好意思既
你可以當佢講笑
亦可以當佢有問題咁以講笑既形式話佢‘你傻架？‘or ‘痴線架！‘or其他
總之對話要好九唔搭八同埋好唔認真
咁佢就會醒水知你唔會借架喇...

實對他言,不借是因為他好.
賭海無崖,即使會恨你也是這樣.
只望一次小教訓令他覺悟,總好過有日會見他傾家蕩產.

你同佢講:::

{唉..你問我借?! 我呢排都手緊呀..之前D股跌到....唉..唔好提LA...仲諗住問你借D錢答過關...估唔到.你問返我轉頭..唉.......}

你講到咁..佢應該唔會仲好意思問你LA掛.

對爤賭二我的經驗是...................
他知道我中了彩票,搵我借,我說︰「遲啦,剛阿甲借了若干,阿乙又借咗若干,佢地話過出糧就還番,唔還就喺公司唱衰佢。等佢地還番至有錢借俾你咯」。
另一個更離譜,每日都要借,理由是唔記得帶散銀,借錢飲咖啡,買煙,。正如上那位所說“逢人借”,最初以打開銀包,表明冇錢。豈料佢悲到大小通吃。後來就用一招“打蛇隨棍上”。當佢埋嚟開口,就表明僅有十元,同時向週邊的同事高呼,誰有碎錢,我要借幾蚊XX飲咖啡。
如是過了個月兩名爤債鬼終知難而退。
對軟皮蛇,要化點心思,他越不要臉越要強硬。這種失常性的人,預咗不會成為朋友。

你話冇佢都會死緾，扭到你有為止，狠心ｄ，直頭話佢知唔想借囉。不過如果你覺得唔好咁絶，因為日後仲要對口對面咪少少地借一次咁多畀佢囉，但要預咗佢有錢都唔還。

我地公司有個爛賭二，人人借勻晒，一個仙都唔還，有錢寧願拎去賭，或者做大爺請人食野，咁咪止此一次，當送幾百蚊畀佢使算囉。