天氣潮濕,d衫洗完晾乾左都有一陣霉味

天氣潮濕的衫乾左有陣霉味係因為佢唔係真係乾爽而係翕到乾所以有陣味, 我個人會用以下的方法弄乾的衫等佢無霉味,
1. 如果屋企有抽濕機, 可以將的衫放入同一間房或廁所(當然要蓋好廁所板)內, 然後開抽濕機, 咁的衫乾左之後會無左陣味.
或且
2. 晾好衫後, 用風扇吹乾佢地.
以上這兩個方法我都試過, 的衫真係無霉味, 希望可以幫到你啦,

好讚同eric_wan04君推介此款摺裝式乾衣機.
衣物乾後好直不皺, 無異味, 又快乾, 天泠不按套及架還可做暖爐.
好適合香港家庭, 易裝易拆, 不阻地方.
此種乾衣機有分大細size及wat數,
薄身衣物約1小時, 如牛仔褲厚身衣物2小時已ok.

呢排回南天，D衫幾日都唔乾兼有陣「鹹魚」味，我都有呢個問題呀！不過宜家解決晒囉！
事緣之前曾在無線電視 ---「宣傳易」看過一個暖風乾衣機，外形就如一個 小型拆疊式小型衣櫃 + 小型企立式晾衫架 + 小型陶瓷暖風機（就如一個小型帳幕！），打開後半徑約15吋，高度約5尺，廣告上宣稱：比抽濕機乾衣快達5倍，而且以後晾衣服仲唔會臭臭！快速、慳電、挺直、不傷衣物，但售價就沒有提供資料了；後來在X臣士見到，賣三百蚊度，就買了一個回家，3個鐘就可乾一機衫，但由於仲未收到電費單住，所以仲未知食唔食電！

圖片參考：http://i204.photobucket.com/albums/bb150/eric_wan04/88b96ecf.jpg?t=1208171370

我自己住西貢嘅, 哩D天氣咁潮濕, 我就一定會用抽濕機喇~
抽濕機好好架, 不過最好放係一間細D嘅房入面, 咁就會乾得好快, 唔會有味, 又冇冷氣用咁多電, 可以話係環保D.
仲有呀, 一洗完就要拎出嚟晾架喇, 如果由得佢地係洗衣機入面, 就算一陣都唔好架, 幾個字時間就可能有味架喇~

咁不如平平地買部抽濕機,方便又易於操作, 有把手的輕便型號易於移動,若果抽濕力強,可把室內各房間逐一除濕
我平時都係用潮濕天氣都係用佢嚟抽衫, 好似噚日咁, 洗完窗簾抽一日就可以掛返上去喇, 唔洗搵地方晾成日呀
有關基本常識
-抽濕機每日的抽濕量約由9公升至20公升，以600平方呎的家居計算，最理想是16公升的抽濕量，而9公升抽濕量較適合100平方呎以下的房間
-部份抽濕機集多項附加功能於一身，包括淨化空氣、除臭、抗菌及暖風和乾衣等，切合不同家庭的需要
-使用時必須關閉大部份門窗，以免影響抽濕效果

唔好晾...用乾衣機乾...應該會冇左個個霉味...我都係咁嫁...

1 提議開冷氣加速徹底乾透
2 個別衣服物料差, 都特別容易有霉味.