我離開校園好耐, 請問什麼叫做副學土學位? 副學土學位出了什麼事?

約十年前, 香港政府希望提高香港人素質和水平而辦了非常多副學士學位, 還聲言希望日後香港有六成人口達大專水平, 換言之, 副學士係大專學歷, 當記者問前特首董建華先生:「副學士的學術水平是什麼程度呢?」董生好肯定地答:「副學士的程度等同高級文憑.」

我參詳過香港公開大學的高級文憑和副學士課程, 發覺高級文憑要讀九十個學分, 而副學士就要讀八十個學分才取得, 所以兩者分別唔大.

副學士其實冇咩問題, 而且在公開大學亦能豁免一半或三份之二的大學課程學分, 只要拿着政府認可副學士申請就多數入到, 升學似乎都冇大問題, 即係話副學士畢業生其實係好容易取得政府認可大學學位(香港公開大學), 唯一升學問題係公開大學的科目種類少過副學士好多, 副學士畢業生以此途徑難以升讀理想科目, 至於其他大學, 有大學學位都俾中七生上啦, 所以幾乎冇位俾佢地升, 因而經常上街遊行, 話自己冇得升學好慘, 其實佢地已經好幸福, 因為廿年前, 我地想讀個工業學院文憑都要會考有3至4科C級啦, 佢地幾科合格就可以讀到大專, 已經着數到暈, 唔知點解仲要上街遊行.

點解市面D老闆唔認為副學士係好嘢? 原因係佢地經常將副學士學生同以前D高級文憑畢業生比較, 咁樣梗係覺得佢地唔掂啦, 因為以前D高級文憑生要會考有A有B先至有得讀, 低子比現在的副學士生强, 再加上以前D人讀得好勤力, 就好似我十幾年前讀高級文憑咁, 除咗讀書之外係唔會用時間玩o既, 在高級文憑的三年課程內我從來冇同屋企人或朋友興祝節日, 拍拖, 去卡拉OK, 社交meeting, 旅行, 及興祝自已或別人生日. 但而家的副學士生, 就嘥好多時間去卡拉OK, 朋友meeting, 拍拖, 興祝自己或別人生日, 打機, 旅行, 而且一考完試就會休息唔讀書住, 放暑假完全冇温習, 佢地咁樣讀書法, 好難培養出真正的專業能力, 到離校工作時, D老闆好容易就發現副學士生的工作表現和專業水平差過以前的高級文憑好多, 所以鍾意請高級文憑多過副學士.