洗完衫個領會變左做波浪紋??

衫領洗後闊哂"波浪紋", 你應是指針織衫T-shirt之類布料.
我認為有3個可能:-
1) 領多是用"羅紋"布(坑紋), 有分單面布及雙面布, 單面羅紋領較薄, 易起波紋.
2) 有de羅紋領加橡筋紗織, 洗衫時不可用漂白水浸漂, 會令橡筋脆及鬆弛, 領就闊了.
3) 有可能你一機洗太多衫, 衫互相絞拉, 令本身彈性羅紋領拉闊. 特別是頂置式洗衣機更易使衫絞拉.
提議你洗前將針織衫獨立放入網眼洗衣袋, 水溫不要太高, 在35-40度之間.
純棉布料多會縮水(除買前衫已雙縮定), 用冷水或水溫不要過35度, 洗衣程序盡量較短些, 涼衫時"撜撜"件衫, 燙衫時拉拉, 別無他法了.

點解啲衫領洗完之後,會有波浪紋?
係因為衫領之所以咁堅挺,通常呢個位係特別硬身既,因為係衫領之間加左一層類似紙既物料,因而做成這個效果,亦由於佢既質料似紙咁樣,所以當我地特別起勢卒個衫領既時候,(因為個度特別容易有汗跡),結果就卒到個衫領起左啲波浪紋啦,呢啲波浪紋係熨斗都搞唔掂嫁.

咁點算呢?
唯有唔會卒或者刷個衫領咁大力,係洗之前,最好用彩漂或漂白水開稀左後,浸下個領口位先,等佢淡啲色.

嘻嘻,希望幫到你~

2008-04-19 00:45:32 補充：
啲恤衫放落洗衣機洗梗係起波浪紋啦,所以咪教你最好用手洗囉,如果懶,就無法子啦,另外唔係所有衫都會縮水既,通常睇下佢係咩物料做啦,尤其以羊毛物料為例,佢好易縮水嫁,最好係你洗衫之前,睇下個衣物標籤,睇下用咩物料先決定掉唔掉落個洗衣機度洗囉,仲有我笑下啫,下次唔笑啦~