為歌曲分段(分別歌曲的曲式屬於二段體或三段體)請舉例!!

二段體︰
分為AB兩段，A段同B段有明顯唔同節奏同旋律，所以又稱AB Form。例如My Bonnie，全首歌分為4大句，第一、二句係A段，第一句同第二句係相似句，大家o既節奏同旋律大致一樣，只有最後幾個音唔同。第三、四句係B段，呢兩句o既節奏同旋律一樣係好相似，亦都只係得最後幾個音唔同。不過同A段就完全唔同。A段節奏較快，短音較多，但B段有好多長音出現。
三段體︰
分為ABA三段，前面AB段同二段體一樣，只係三段體要再重複第一段 - A段，所以三段體又叫做ABA Form。三段體o既歌，好多時都會出現以下音樂詞彙 - D. C. al Fine，因為D. C.即係從頭開始，而al Fine即係直至見到 Fine呢個字先至完，換句話即係重複第一段。eg. 貝多芬 o既Minuet in G就係其中一首三段體o既樂曲。