砌一架街車(單車)

首先,你要諗清楚要架單車做乜先,?
如果只係想要黎隨街踩下,
咁我就建議你不如買架「街爬」好過,
(起碼冇踩得咁辛苦先啦!)
如果你係想買架街車要黎練車,準備出賽,
咁…..就講究好多啦~!
第一,要考慮自己0既經濟能力,因為
一架用黎比賽既街車,平至3、4千,
貴至十幾萬都有(唔係講笑)

第二,如果你對單車唔係咁熟,
又冇整車工具,咁你要砌一架車,
就唔係咁易,仲可能整喎添。

第三,通常砌車,要四圍搵自己鍾意既部件
有時單買會比較貴
況且你又唔識,可能買左又唔0岩用,結果
買貴野兼激氣,何必呢?
不如買架合成車好過,
因為而家d新車,又平又靚0架!

以下有幾間比較出名0既單車大舖,
1.飛球單車—長沙灣青山道478號,電2381 5919,
呢間係全港最大單車舖,淨舖面都show左成100部車
呢道代理cannondale,山車,街車,街爬,摺車乜都有!
買埋頭盔同其他配件,呢道老闆好好人,
如果佢得閒,記得同佢傾多幾句
跟住記得叫佢平d,佢自然會識做!
2.同榮單車公司—旺角花園街222號金楓雅閣一樓b室電2381 2635
呢間係老字號單車舖,間舖d車靚到真係……冇野講
皆因呢間d車幾靚都有,但係亦係幾貴都有!
買唔起都要上去見識下!極力推介(只係上去睇…..嘻嘻)
3.旺角專業單車—旺角通菜街180號地下電2380 9868
呢間係代理美國牌子trek,舖分2層,老闆夏生為人都幾熱情
如果佢得閒,會慢慢同你傾下車經,唔幫襯當聽意見都好丫
呢間車價上落比較大,平至幾百,貴至幾萬都有,
睇0岩不妨再問老闆打個折呀!仲有,
售後服務好,係呢間舖既特點!
4.單車世界—灣仔灣仔道康樂商業大廈電2892 2299
呢間唔…..唔係好識講,間舖比較細,仲有,如果你格過價
其中一d車或零件可能係全港至貴,(講聲sorry先)

都係果句,買野最好自己行多幾間,格過價,咁先係精名消費者
希望以上資料幫到你!

HI~你好.
你住邊頭, 大埔有好多街車鋪,零件又有,吾會好貴...係晒火車博物館附近,機本出車都係6~7百,再改就睇改什麼,通常基本會自己造尾架,因人人要求都吾同,有d好高,有d要裝d野上去,我就只係裝舊電同尾燈,電器野,頭尾燈,電按風按,開關制自己係深水埗買自己合用的制,有心思都幾好玩,現又有頭被震,好正