（２０）點樣表白好??

其實我都明你擔心d咩既
一個自己鍾意左咁耐既人
如果因為自己一個決定 搞到冇朋友做既話
係我 我都會好後悔
但係 你都有d心動想問佢 對嗎??
3年咁耐 老實講 除非你收得好密
否則 個女仔一定估到你對佢有野
所以 如果佢一直都冇避開你既
其實真係可以試下問佢lor你
只要佢一日未有拖拍既 佢都有機會鍾意你既
就算佢真係有拖拍啦 都唔代表你冇機會既
其實中2,3既人有冇拖拍 好明顯嫁咋
佢地什至好多時都會掛係口邊 所以有冇男友好易知
再者 如果佢真係有你以上所講既行為
我覺得你都幾有機嫁!!可以試試
而且你有一個優勢 你識左佢咁耐
就算咁唔好采 佢真係未鍾意你既
可能會避你一段時間 但係 就係因為識得你太耐了
唔太習慣冇左你既日子 所以會好快同你回復從前既關係
努力呀!!開口表白 係需要勇氣嫁 冇人幫到你!!
試下搵個機會 冇乜人 親口同佢講啦
希望幫到你啦~

第一,我唔建議你好似樓上咁講即刻表白...
因為你會有50%成功同50%失敗機會...
其實你唔應該咁快表白...
男仔同女仔其實就好似玩啤牌咁...
如果你一開波就比人睇晒你d底牌,
人地極有可能即刻對你冇晒興趣,呢個情況係好常見...
如果你想同佢一齊,首要條件係你吸引到佢...
樣衰,冇才能...都唔係問題...
最緊要靠你把口,
你約多d佢出街先,等你地有多d機會相處,
保持你ge神秘感,利用女性天生ge好奇心,
等佢多d留意你,果時佢已經比你吸引住...
你求其表白佢都一定制啦.
仲有...你無時無刻對佢好...
你就一定衰硬...識當ge時候要say no
保留你做人ge原則!
重點:忽冷忽熱可以令佢更緊張你

唔知呢位中二ge朋友仔會唔會明呢@@''
不過希望help到你...祝你成功...

你直接同佢表白啦-.-覺得你真係好鐘意佢,同埋真真正正想同佢一齊,就可以啦!你怕佢表白之後唔睬你?哩d野唔應該驚,如果佢都鐘意你,佢就唔驚你表白,同埋應承你做你GF啦!要大擔嘗試下,先會知道一 d你想知ge野!
希望幫到你啦!=_=||||

大部分女仔都其實都希望自己鍾意既男仔可以主動D。如果佢尚未有最鍾意既男仔，佢一般都會對佢身邊既幾個男仔較有好感，呢個時候，佢有好感既幾男仔入面，邊個主動D約個女仔出街，邊個就可以追得到個女仔歡心，亦相對較容易成功。例如最初可以約埋其他同學一齊出黎，之後就可以只係約佢，兩個人出街。出得街多，有講有笑，先好表白，一定要面對面表白，並且盡量簡單清楚講話你鍾意佢，希望佢做你女朋友，切忌轉彎抹角，令人無所適從。

好~唔該你著先

你可以係msn同佢表,,但要誠懇d,,如果佢問你係唔係搞GAG,,你就可以話[我認真架!!]如果佢唔信/拒絕/驚..就話比佢聽[我搞GAG架揸*V*]
咁樣..
希望幫到你啦!!
+油