24歲仔未拍過拖可以點?

其實... 心動o既感覺幾時都有。只係人在細過o既時候見o既人唔多，感覺少d... 但人越成長，見o既人越多，不同感覺多o左，所以對自己內心感覺衝擊都可能無咁大。

無拍過拖唔緊要，千其唔好為拍拖而拍拖... 否則好有可能會後悔，而且重可能傷害到人添。

若樓主真係想拍拖，咁可以擴闊社交圈子，識多d人。咁搵到鍾意o既人/鍾意你o既人o既機會都大d... =)

其實，最重要係樓主覺得有冇問題先？？真係無拍拖/ 無拍過拖好有問題嗎？？有時，自己一個人自由自在都好唔錯o架... ^^

樓主加油~~!

未拍過拖當然無問題啦!
吾係話多拖拍/有拍拖就一定係好的。
如果你係一個認真的人,
你一定會遇到一段好姻緣架!!!
你可以多D做下義工或者庭加社區活動,
呢D場合一定識到好女仔。

而且,你仲可以進修/讀下書充實下自己,
俾人覺得你係一個可靠的人。

最後,改正自己的缺點,提升品格!^^

你唔洗咁自卑.感情事無得勉強ge..隨緣啦...不過你讀下書進修下,可以識多d事和人...希望幫助你....

我而家27歲，都未拍過拖。
曾經我都有因為咁而唔開心，但係後來諗諗下，覺得自己同果d同齡而又結左婚既人只係分別在佢地咁岩能遇到一個合適既對象同自己拍拖、結婚，如果唔係既話，可能佢地同我而家一樣都未定……

你可以嘗試擴闊自己既生活圈子，甚至多參加一d可以識到多d人多d朋友既聯誼活動，或者你會響當中識到理想對象呢~~~~

先擴闊自己的社交圈子, 不要太怕羞, 主動跟異性或同性接觸, 因為無人知道你的優點和缺點, 要經過一段時間, 身邊人想了解你, 主動一點吧! 但切記不要太心急, 免卻人家以為你 "飛擒大咬"

米找個人拍下拖lor........///////////////////////////////////////////////