✔ 最佳答案
１）LCCI係英國的薄記學會的一個組織提供的一些公開考試，有分初，中，高級，LCCI係會計或進入會計行業的基本入門知識，學習怎樣去處理賬目的基本分類及入賬方法
２）LCCI係最基本的會計知識，係對進入職場最基本的要求，如只是取得LCCI，出嚟搵工時，只可成為一個很低級及低薪的會計文員，不過，現今的社會已唔單止要求LCCI，更加要讀到Diploma/Higer Diploma或HKIAAT的學歷，HKIAAT係香港會計公會的一些初級的技術性考試，比LCCI的程度深入，再之後，如想更進一步就要考PBE，然後，HKICPA/ACCA，這些學會名稱都是成為會計師的必要學歷
３）LCCI都係比唔識會計的人的初學者的課程，所以，就算你未讀過都可以報讀後考試，因為LCCI係比會考淺
４）可在工聯會，商專，明愛，YMCA，大學進修學院都有舉辦，當然大學進修學院的師資可能會好啲，但會貴啲！
2008-04-14 19:56:41 補充：
我所講的學會唔係重覆，而係階段性，由最基本知識至合格會計師的公開試：
LCCI>HKIAAT>PBE>HKICPA/ACCA>CPA
LCCI係最基本的會計知識，係入門的必讀課程，如再進一步技術性的知識，就要報考HKIAAT，讀完後對會計的全盤賬目知識多啲，再進一步就係考PBE，讀完後會對初級的管理及報告有所認識，再進一步就是考專業試HKICPA/ACCA，完成後就能成為合格會計師
大學校外進修的課程Diploma都係由最基本的知識開始，那些知識應是F5或以上的知識，但因為教得很快，所以如果冇Account底會讀得比較辛苦，當然，如果你讀完LCCI再讀大學的課程會冇咁辛苦
2008-04-24 19:54:19 補充：
wycman
如果你打算考入８間大學內讀會計的話，緊係升中６好啲啦，但，如你冇把握直入大學的話，入IVE或HKU SPACE讀Diploma or Higher Diploma開始好啲，至於LCCI，你可直接考第2或３級，而不考１級，如果你一心想繼續讀會計的課程，可不考LCCI，因為更深入的課程已包括LCCI這些初級的內容！
精彩人生
