月事來可以睇掌或睇相嗎?

月事來可以睇掌或睇相嗎?
以 我 在 廟 街 榕 樹 頭 擺 檔 45 年，
閱 歷 過 十 多 萬 人 眾，
給 你 一 個 忠 告。
你 在 月 事 前 後 十 日，
絕 對 不 適 宜 睇 掌，
在 月 事 前 後 十 日，
也 不 適 宜 睇 相。
如 果 你 堅 持 要 睇 掌 或 睇 相，
結 果 預 測 唔 準，
計 算 錯 誤，反 為 累 事，
個 陣 時，正 式 陸 雲 庭 睇 相，
唔 衰 攞 來 衰。
點 解 月 事 來 不 適 宜，
月 事 來 代 表 你 這 個 月，小 產 了。
卵 子 不 成 胎，所 以 小 產，
體 內 所 有 機 能，需 要 重 新 調 整，
這 個 時 侯，你 表 露 出 面 上 及 掌 上，
所 有 氣 色，所 有 神 色，
均 與 平 日 的 你，不 相 同。
所 以 在 月 事 前 後 十 日，
不 要 去 睇 掌 相 或 面 相，
切記，切記！

當然可以啦！

若果話唔可以，只有兩個理由，一個係有沖撞，第二個係話唔準。我跟過個師父，冇一個話會有沖撞，所以第一個理由唔成立。第二個未聴過有師父話你月經來的時候你個相會變左，掌紋變左，氣色變左，邊會呀？（除左某人例外，信唔信佢你自己諗啦。)

生於現代，千祈唔會俾江湖術士呃，俾連江湖術士更不如既人呃就更無謂。

首先，卵子受後一段時間冇左，先叫做小產，這是常識。我幾個師父都話，學術數最緊要懂人事，有常識。否則連做江湖術士都冇資格。

第二，你試下計數。正常女性平均每二十八天行經一次，每次經期五天，加埋前十天、後十天。即係二十八減五減十再減十，即係停經前你每兩次經期間有三日時間去睇掌睇相。但唔好唔記得，有時要預經期會早兩三日，所以經期前個十日你要預早兩三日，即係話你停經前都唔好去睇掌睇相，計起上黎都幾好笑！

圖片參考：http://tw.yimg.com/i/tw/ugc/rte/smiley_3.gif
面相有十二宫十三個部位,
而墨痣癍部位有二百多個.
手紋有五條主線,六十多條幅線.
八卦宫位八個.
在月事中嘅女性,係以上部位,線紋同宫位,點計都唔會消失晒.
更何況真正嘅相學唔單只係睇五官同手掌紋.
所以女性係月事嚟嘅日子看相係原全無問題嘅.
如果係有問題應該係同你睇相個個人嘅問題.
女性有月事嚟緊口唇只會略爲帶淡白,但尼種情形只係血較少嘅女性才有.
如果話所有氣色都無晒睇唔倒,我諗個師傅應該檢討吓自己嘅功力.
相學嘅氣色係嚟自中醫嘅望診,絶無任何神秘之處.
咁大家有無聽過係月事前後多少日子唔好去睇中醫呀???
總結我以上所有分析,女性係月事中去睇掌相都無可能影響倒睇相嘅結果.
圖片參考：http://tw.yimg.com/i/tw/ugc/rte/smiley_3.gif