如何改變自己??

有時好怕同人講野,成堆同學(包括fd喎)一齊傾解時,我通常都係特別靜果個,人地問我"做咩咁靜呀?"我就會好cool咁應返佢地一句,然後繼續做自己ge野(扮到好忙咁),其實我根本就冇野做,個心一直係度聽緊佢地傾緊d乜,只不過想出聲又唔敢,唔知點插口呀,but我覺得最怪既係,一時同佢地好多野傾,一時又唔敢同佢地講野......why?

我成日都黑住塊面又帶有少少高傲咁,成日扮cool,因為驚d人話我冇人撩我傾解,所以扮到自己好cool咁,想比人地知係我自己唔想同其他人玩咁。同人講野時,好多時"d說話"要經過大腦想一想,諗句最短最貼題既回應,咁樣對方就唔再問第2句,其實我好想繼續同佢傾落去ga,但係改唔到自己既性格-"直接"...真係得罪人多稱呼人少T.T....因為我既冷酷表現,好似嚇親佢咁,so搞到d人又遠離我啦。真係好想好似某個女仔咁,諗到咩就講咩,成個傻婆咁,幾好哇...

講野勁串,無論男女,明知佢地係同我講笑緊,我都係忍唔住串一串佢地,咁又令大家靜晒啦, "好無奈+對唔住"。唉...但係我既個性...打死都唔會say sorry囉,冇禮貌也是我既缺點之一!!另外,我成日疾人,人地講咩我都會疾一句,唔覺意就會hurt到人,搞到d人越來越驚/討厭我,我同自己講:算,洗鬼同你班傻kai玩。我個fd鬧我話:你唔去搵人地傾解人地點會理你呀,我當時好嬲,即刻扮到自己好掂咁,出面大把fd啦,洗理班上d低能兒,又博咀,個fd嬲埋我...返到屋企...其實自己好痛苦,好驚,好想改變自己既性格.......

我覺得自己好怪,係班上,覺得d人好低b呀,完全唔岩ki,有時佢地講d笑話,連個老師都笑埋1份,但係我覺得一d都唔好笑!! 難怪有d男仔話,想引我笑難過登天。好啦,我扮傻博同佢地玩,d人又話我好假,頂你xx呀,唯有扮返cool啦。頂..

性格勁暴躁,小小事就想串人or爆粗。脾氣又壞,依點可能我係家中幼女既關係養成掛,因為屋企人好寵/就我,我點發脾氣,佢地都冇鬧我。有時乜都唔滿足自己,又易度忌人。

我都有愛心的一面,見到別人需要幫忙,我會諗都唔諗即刻飛過去幫人,有時某人發生左d唔開心既事,我其實更加唔開心,想幫佢,安慰佢。見到少少感人既故事或東西,我就會好想喊。

同自己d朋友一齊,係我最開心最自由既時光,我會同佢地玩到好癲,咩都傾咩都玩一餐,依個時候既我,就會變返以前個低b婆啦,但係個心好舒服啊。我成日係度諗,如果我同我班fd同班既話就好啦,同fd一齊可以令我壯膽同d男仔玩,但係命運弄人,注度我同佢地冇緣係同一班。依加孤單一人係依個勿生既班級,同幾個同學fd又唔算得fd,吹得水咁咋。以後既日子點捱落去呀???

以前既我,主動型,完全唔會理會別人指點自己,同男女都傾得好埋,係班上係絕對既開心果黎,日日都好開心。唉...依加,返學係壓力,真係very悶,以前既我去左邊呀??

救命啊!!我點樣做返以前既我呀???日日帶住個面具返學做人,好辛苦啊!!我就係唔識得做返自己呀!!希望你地幫我分析一下我既情況!!
感激不盡!!