我真係好辛苦,,,,

睇到妳既故事我覺得妳真係好唔應該鐘意佢
妳係由始至終都唔應該鐘意佢!!!
唔好咁傻啦
人地對妳好少少妳就幻想人地真係『愛』上妳
妳知唔知呢個世界上好人真係好少好少
真正好既男仔就更加少
無論妳點痛苦佢都唔會理佢唔會可憐妳
妳特登同其他男仔玩更加係完全冇意義好唔成熟既手法
妳應該唔好再理佢當只係發左場惡夢
俾時間將一切沖淡
呢D花心男仔通街都有嫁
妳可次要小心D唔好再俾人地講兩句就以為係真命天子!!!

睇得出妳好想厭抑住自己既情緒
但其實咁樣只會令妳越黎越辛苦
如果我係妳我會當自己一個時俾自己大喊一場
將自己不安既情緒完全沖走
但切記喊既過程當中唔好既自己情緒失控亂諗野

如果我係妳我一定唔會話俾個男仔聽妳鐘意佢
因為咁樣完全唔會為妳帶黎任何好處
妳愛唔愛佢佢都唔會理妳
相反佢仲好可能會0係妳背後笑妳唱妳
我唔想妳咁樣俾人玩呀!!!
而如果佢係連最基本既良知都冇咁佢可能會玩完妳先走
或者欺騙埋妳既肉體先走
而妳依家自己咁痴痴迷一定會當佢係真
總之我覺得妳跟本唔可能有能力保護到自己
我亦都唔認為妳係越黎越愛佢
我覺得妳只係被自己對佢既思念影響妳既判斷
因為0係咁既情況底下一個人只會對對方越黎越掛念
但係咁並唔等於越黎越『愛』對方

其實我只係希望妳可以清醒D
愛情係可以盲目
但真正既重點係妳有冇為正確既對像而盲目!!!
妳只係俾一場虛假既夢幻愛情就攪到冇哂將來咁....
妳要明白呢D花花公子妳係絕對唔應該去愛!!!
就算佢依家唔咁對妳佢將來都一定會咁做
只係時間既問題咋
而佢亦都會同樣對待其他既女仔
呢D只係玩人既衰仔妳千祈唔好走埋去呀
如果我係妳我會連朋友都冇得做
妳同學D咩『好襯』只係細路既用語
妳應該要經一事長一智
成熟D唔好同呢D人一齊
因為如果妳係一個好既女仔妳就一定會有好既男仔鐘意
同樣,無論妳點努力都好自然唔可能同到呢D賤男一齊
因為佢地真係同妳相差太遠襯妳唔起!!!

希望妳可以聽我講....
忘記呢D唔等洗既廢物
俾時間自己冷靜一下
俾自己有多D思考前因後果既空間
再靜待真命天子既出現
好既男仔係極極極少有嫁
妳要得到真愛就一定要肯俾時間
唔好再哂自己既時間同心血係D垃圾身上

祝妳永遠幸福
見到妳咁我都好心痛!!!
如果妳仲有唔開心或有困難妳可以EMAIL我我好願意幫妳
[email protected]

我覺得呢種男仔唔要都算啦..

對你一時好,對你一時壞.....

其實我覺得你唔應該轉校,如果你轉校的話,個男仔咪一樣同其他人玩??佢又唔會理你,對你自己一點好處都沒有

如果你想重新忘記佢,你就從容,唔好刻意好像唔記得佢,咁你的心更痛ar....係你呢個時期,你應該好好咁讀書,理得佢.........

我自己都身同感受.....不過而家我都沒事,同佢的事,很多人都唔記得....你只要同佢遠少少,見到佢,佢同你講早晨,你先講,你可以鍾意個另一個人,就算你同佢一起的,你都未必開心.....

小姐呀,為左呢d芝麻綠豆既事而考慮轉校,你會唔會覺得自己好蠢呢?

企係果個男仔既立場
如果我同一個女仔講好煩,
通常有2個原因
(一) 性格問題,個人比較粗豪,唔覺得講「好煩呀」係無禮貌/唔尊重
(二) 個女仔問佢野既時候,佢忙緊做其他野/佢覺得個女仔好煩
你問下自己係咪好煩既女仔呢?
為左佢注意自己而問一d自己可以搵到答案既問題?
係既話就是檢討下

如果你真係鐘意佢,
就唔應該咁早計較佢係咪真係對你有意思
首先你要對佢完全投入
投入先知道你鐘意佢d咩
先知道佢既優缺點,繼而知道自己接唔接受到,
先識得取捨!

同學既眼光,唔需要理
佢地覺得邊個同邊個襯,只係一時興起既低能風氣
佢地對邊d人都係咁講架啦
最重要係你地2位當事人既睇法

希望你會諗得通,唔好再咁傻