stereo同surround有咩唔同?

首先你部擴音機係多聲道定係2聲道?
2聲道的話咁有可能只係兩個音場模式,stereo就直出左右2聲道.Surround既話就擴音機會幫你調下啲聲,改變下左右聲道大細聲呀,低音多小呀咁,等你覺得啲聲好似有環繞感咁樣.
如果你部係支援多聲道的AV擴音機,咁stereo依舊係出2聲道既訊源既聲例如CD,VCD咁.Surround都有可能係將2聲道聲音搞到佢似環繞聲咁.但係亦有可能係真正5.1訊號例如DVD既Dolby Digital或者DTS.甚至係Blu-ray既7.1聲道既例如Dolby True HD或者DTS Master Audio.但以前者機會較大,因為出多聲道聲音通常都會直接顯示聲音格式名而好小會就咁叫surround.
你可能會覺得開咗surround同就咁stereo效果差唔多,咁其實係正常的,兩個喺前面既喇叭模擬後面有聲出你可以諗到有幾難.低音打落牆再反射去你耳仔效果點都唔及真係後面出聲.只係噱頭嘢來.如果唔係真正多聲道訊源,勸你關咗個surround佢聽翻原汁原味既stereo好過.

2008-04-13 07:33:59 補充：
Logitech Z5500同埋Sony Dav Dz150K都係真正5.1系統,同樣支援Dolby Digital同DTS這些5.1音效.
䏲規格似乎係Sony好啲,功率較大,又己經有埋卡拉OK,DVD機,收音機等.不過呢啲系統有個唔好處就係你唔可以用來配第二啲器材出聲,例如佢部DVD機壞咗,你就一定要整翻佢先可以有5.1效果,買過部DVD機係唔得的.又如果你想駁PS3或者數碼廣播的5.1又係唔得的.
Z5500就齋啲,只係得擴音機同喇叭,但係佢就有同軸,光纖等輸入,接乜器材都得.