狗隻呼吸/氣管問題

長者犬應該係要每年做老年狗的血檢，最低限度可以令你知道內臟是否function得正常及盡早知道問題所在，約花六百多元，閣下值得考慮一下。
靠估之下，我會估你家的長者是約瑟、松鼠、西施、八哥這類小型或短鼻者，細小品種容易有氣管下塌問題，特別係年老狗，氣管軟骨老化，更易出現喘呢個問題，而短鼻狗則容易吸入氧氣不足，鼻及氣管要很努力擴張去吸入，氣管老化了也易有呢類問題。如果經常要這樣呼吸，對心臟是一個非常大負擔，容易出現心臟問題，應盡快處理，一般可利用x-ray或內窺鏡可確診，如只是這簡單的原因可長期食氣管擴張藥，費用也只是數元一天。其他內臟出問題也會令他們呼吸不暢順，所以最好的方法找出原因真的是要靠醫生！
如果你的是小型犬，11歲也不是太老，隨時可活多四、五年，所以我會覺得應立即找出原因。

2008-04-13 20:26:07 補充：
x-ray及內窺鏡因要麻醉，所以應視乎驗血後依身體情況來評定是否適合麻醉及麻醉的麻煩情度來決定這兩種確診的價錢，如只需簡單的麻醉，各需約三至五百，如要加上吊鹽水的約外加三百，但如血檢後腎、肝或心有大問題的便要先以藥物處理一段時間才可評估能否接受麻醉。其實如有內窺鏡的診所，一般收費差不多，反而一些較平的服務費醫生，最終反而是要去多次，最後是比正常醫生收費貴兩至三倍。

咁嚴重嘅問題，你期望响呢度会揾到乜嘢解決方法呢？就算專業医生都要睇吓先知乜事啦！又，就算有人話到比你知佢乜嘢病，最終咪又係要睇医生！！
只要病向淺中医，狗狗唔会捨得咁快離開你！揾个有口碑嘅医生，有時医生亦未必確診，始終狗狗唔識講，或要多睇一、兩個医生聽多Ｄ意見；最緊要小心留意佢一切不尋常舉动，同医生講，判斷準確些狗狗痊癒機會亦多些。
你唔鍾意話我"行"都係嗰句，快Ｄ睇医生！！