我個2隻倉鼠打交 ..10點 *

鼠鼠唔會用打交唻當玩,只係勢力比較平均,加上如果仲係年幼,地盆心態冇咁強既時候都冇咁易打得勁,其實好彩而家仲未有嚴重既事(不過下體紅左都已經係傷,加上又似有血),等到忽然打得嚴重先處理就太遲了,所以出現打交既情況,一定要盡快分籠

A.倉鼠打交係因為佢地本身就係獨居動物,根本唔適合同其他鼠一齊住既
我明白坊間同鼠店都話倉鼠係群居,但從生物學角度,鼠鼠真係獨居架,只係多數鼠細個都唔打交,所以就易令人有錯覺,又有好多人話鼠打交只係,甚至話係增進感情,好彩就打唔傷,但留意一下過去既知識,就見到有不少鼠打傷打死

我細個時試過一籠放兩兄弟,個籠好大,有2間屋仔,2個瞭望台,好多野都有兩樣,佢地平日都係一齊訓,仲會互相清潔身體,但都一樣打到頭都甩,就算係再大既籠,同性唔同性,係咪同一胎,其實都會打既
沖完涼再放埋一齊既方法我都試過好多次,一樣打得好勁呢

我都好想一籠多鼠,但好多人地講既方法我細個都試過晒,結果都一樣,唔想你步我後塵
其實鼠鼠最好分籠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
3) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
4)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

B.因為係見到有血,但唔知係咪外傷,咁就要仔細檢查鼠鼠既身體有冇外傷,如果真係有地方流血,係外傷既話,可以留意返打交受傷既處理方法:
1)有流血既話,用藥用棉花咁住傷口,用外傷既藥同佢搽,小心唔好整到眼耳口鼻.
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)冇受傷既鼠,都必須要仔細檢查一下真係有冇受傷
4)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)如果有內服既"外傷素"就可以俾鼠鼠飲住先,但嚴重成咁其實都係要盡快睇醫生先係最好既方法
7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
8)睇醫生既話可以考慮一下
大圍珍禽異獸及寵物醫院 DR.TIGER/DR.LAM
Tel: 2687 1030地址:大圍積信街75號地下
http://www.taiwaiexotic.com/

C.小露寶係比較細膽怕人,加上你一籠兩鼠,鼠鼠感到壓力就會更加怕人(如果係新買既鼠,壓力就更大),建議你將佢地永久分籠,如果有傷既話就處理好之後,再俾鼠鼠靜兩日,再試下以下既方法同鼠鼠慢慢培養感情:
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先

你再觀察下~真係有打傷的話就要分籠啦~
而且要小心傷口~多d清潔個籠~
用鹽水/消毒藥水幫佢擦下傷口~

小露寶o既品種係細膽d~活躍~同唔鍾意人抱什至掂~
你真係想同佢玩~你可以試下搵食物引佢地~
之後先摸佢地~再抱佢地~
但唔好抱太大期望~佢地係唔會似其他倉鼠咁乖企定定~
我以前抱佢地上手~最多係定一陣~之後就不停咁走~哈哈~

分籠.唔係好易比人打死.我試過,小露寶系係唔肯比人抱,有d性格衝動就唔肯比你抱