遇上一位態度十分差o既師博~

你係駕駚學校學車,定自己揾師傅學?
如果學校學,可以同學校講.自己揾就無計.
其實學車唔會太難, 放鬆心情就可以.
如果心情緊張,學車時會反應過快或慢.
同時師傅講野,你都入唔到腦.
考牌時心情過份緊張,會影響很大,肥佬有你份.

首先你要攪清楚，係你做錯左某D動作，唔跟佢指示做，定係有某些原因至鬧，照理唔會無端白事，係唔係都鬧一餐，咁對佢無好處喎！唔通佢生意多得滯，想趕你走，定係佢嫌錢腥.....
圖片參考：http://tw.yimg.com/i/tw/ugc/rte/smiley_6.gif


不如直接問佢，係咪你表現得好差，定係乜野原因？如果真係自己衰左、成日犯錯、包拗頸、駁咀駁舌.....咁唔比人鬧至怪啦！唔通仲要讚你乖咩.......

第一堂學車就個個師父都「鬧」架喇！祗要「鬧」有point，又學到野又有咩緊要，「鬧」唔駛死架......你要知道教人"揸車"同"揸槍"無分別架！豈可兒嬉！

跟唔到進度可以同師父傾下，叫佢教慢D，再唔係學多十粒八粒鐘囉！交多D學費，佢又做多D生意........何樂而不為

到你慢慢建立左信心，揸得似模似樣，佢就會少出聲，淨係叫你去邊度轉左轉右，邊度泊位咁，好似考緊路試咁行...

到你PASS左個陣，你會忘記佢點鬧你之餘，重會好多謝佢「鬧」得啱，多謝佢鬧「醒」你，仲會介紹學生比佢......D教車師父嘅「口碑」就係咁建立番嚟！

你會揀個唔鬧人，但係教唔到你攞牌嘅師父？定係專鬧人，但係一TAKE過PASS嘅師父呢？

如果個師傅咁差, 你應該公開暗示佢的相關資料, 以免再有更多受害者,
即使你新手比較緊張做錯野, 要罵你都應指出你的錯處而不應話你蠢...

你要睇下佢教得你有無道理,如果佢係咪都話你,
你都無心機上啦....立即轉人學,...唔好浪費時間金錢