分體冷氣機滲水問題

請先在以下網頁看看冷氣機嘅基本操作原理，冷氣機日常保養，以及冷氣機省電方法，然之後再解答你的問題：http://www.aircon188.com/db/knowledge.asp#02
http://www.fortress.com.hk/fortress/jsp/sys/Sf_render.jsp?hs_ctn_pc_id=LARGE_HA&hf_s_id=FT11&hf_srv_id=Nv_fpdt_tips&hf_rand=995132307
就你依家嘅情況，有可能係接駁散熱器與冷氣機出入風口組件嘅配管出現(1)滲漏、(2)阻塞，(3)又或者受到其他間接因素而引致。
(1)&(2)假如你的冷氣機係有依足廠方正確程序去安裝，正常情況下係絕少有滲漏或阻塞嘅情況出現。但係如果你嘅冷氣機並非係由開利嘅原廠師傅進行安裝，就有可能喺安裝上忽視咗某啲細節，例如連接配管好長而且多彎曲位，又或者配管裝上時本身已有損壞等。亦有啲情況，係冷氣機抽風口和隔塵網未有做好定期清潔，引致汚物阻塞配管。
(3)假如配管周圍溫差太大，例如配管某部份受到陽光直接照射，又或者配管附近和周圍環境有產生高熱的因素如煮水器等，都可以引致配管外層軟料外會滲水。
我建議你可以先與負責安裝冷氣機嘅電器舖，又或者冷氣工程公司接洽，睇吓係咪喺安裝上出現問題。如果問題仍未解決，你就要趁住冷氣機保養期內揾開利嘅師傳，預約師傳上門檢查或進行維修。以下係香港開利嘅網頁：
http://www.carrier.com.hk/res/res_warranty.htm
http://www.carrier.com.hk/res/form/warranty/after_main3a.asp

2008-04-12 11:04:03 補充：
你仲要檢查冷氣機周圍或附近有無熱源產生，呢啲亦可以係引致配管外層軟料外會滲水，倒汗水積聚在配管表面，應先要將熱源移除。如情況仍然持續，就要趁住冷氣機保養期內揾開利嘅師傳，預約師傳上門檢查或進行維修，有需要嘅可能會重新安排配管路線，又或者重新安裝等。所以，你可以趁住冷氣機保養期內揾開利嘅師傳，預約師傳上門檢查或進行維修。