我的bb2個多月大,健康院姑娘說他的高度偏矮,有什麼方法可以令他現在長高一點?

人更有高有矮

十隻手指都有長短

姑娘話米由佢囉.....個B現在細細個

大個可以做多一D跳高運動

唔好姑娘說一句就甘在心

放鬆D心情

偏矮有咩問題呀. 你理佢高矮肥瘦,最緊要身體健康咪得law.

不用擔心喔!! 我bb都係細碼. 起初我都好擔心, bb比較矮小, 到4個月時又厭奶, 到8個月都唔肯食粥仔...擔心bb會唔會 唔夠營養 之後去問醫生, 醫生說每個bb都係個體 都有自己成長過程 唔好同人比較 一來媽媽會好大壓力, 2來bb都唔開心, 要對自己有信心是個好媽媽. bb食得好瞓得好就會好健康咁成長.
我bb到9個月先肯食小半碗糊仔, 到11個月才食一大碗粥.

其實以你和你先生的高度來說已不算矮的了.
~ 姑娘話我個仔係細碼 ~ bb現在才兩個月大, 還未到發育時期, 不用過早下判斷, 你也不用太擔心的.
只要有均衡飲食, 再加後天的努力多做運動, 我相信你 bb 將來一定不會是矮個子, 放心吧!

自小培養均衡飲食.跳繩,游泳,打球,都可以增高.
如果小朋友比較喜歡靜態,可以跳舞,伸展運動都可以.
別胡亂相信坊間的増高術.
而2個月大就看得出偏矮?是細碼bb嗎?那父母家族是不是細碼?如果係的話.也不要展望太高.
但也不要放棄.足夠鈣質可增強骨骼生長.而且要兼顧蛋白質去補充骨膠原.