如何令英文作文更高分!!!

樓上已經講左唔好講野太重複 因為睇落去會好悶....
但係除左呢樣之外, structure都係非常重要既...
好既structure俾人感覺你篇文章好整齊有理....第一個印象已經好好...

除左講故仔之外....當你讀到中5以上之後...好多時都要寫report同argumentation(議論文)

作文最少都要有既係introduction, body(最少3段), conclusion.

introduction裡面你可以簡介你篇文係關於乜野既..你既觀點..同埋係將會點樣寫你篇文章...例如你要寫關於international trade 係好定壞....你可以先講咩叫international trade. 佢有幾重要....之後一兩句咁講佢既好處同壞處...如幫助發展中國家變得富有d....share 全球資源....令消費者多d選擇....壞處係減少國民買本土產品....之後加自己係贊成定反對international trade...最後寫你之後會點寫篇文....大約100字夠啦...唔係之後冇野寫

係body到

body 第1段詳細解釋international trade 其中一個 point. 第一句係topic sentence 要俾人知你會解釋邊個point. 例如: firstly, international trade can help developing countries to be wealthier. 之後講佢點樣幫到發展中國家變得富裕...最後加example. 如vietnam is now one of the largest rice providers in the world. 第一段完

第2段既第一句都係要講你呢段既中心....例如 furthermore(都可以用secondly), international trade allows countries to share resources. 可以講d關於資源 既野....例如話地球資源有限....各國氣候唔同...經濟科技都唔同....大家點樣係share到各有所得. 最後舉例子....如英國種唔到米...泰國種唔到小麥....

第3段同第1,2段一樣...

一篇好既argumentation....唔可以一尾得讚冇彈...最少要有一段係彈既..所以第4段會話有人反對....寫法同1,2,3段有少少相似...但係可以咁寫...other than the advantages, there are some people disagree with international trade....之後寫果d係咩人 點解佢地反對....同埋可以寫好多國家既政府都有幫助呢d人....

最後conclusion, 開始可以寫in conclusion, 用100-150字總結自己寫過既野....最後加少少個人提議點點點....就大功告成啦

如果諗唔到例子其實可以唔洗寫...有當然好d啦....因為例子係用事實黎support你講既論點....公信力係大好多既....
我唔知你讀到中幾....用international trade可能會難左d....不過唔好意思 我一時諗唔到用咩例子好....希望你都會明我講咩啦

其實作文要高分，最緊要係要用詞夠多，學多啲唔同嘅生字或phrasal verb。有時候要用直述的方法描寫，有時候要用複述，有時侯要用多啲唔同嘅手法就可以，不過大前題係一定唔可以悶，你自己寫完，看一次，如果你自己看完會覺得吸引的話，就ok啦!係咪?如果你自己都會睇到覺得悶的話，評分的人都唔會比高分你啦，係咪?仲有，多啲唸下評分的人想睇咩，唔好只係寫啲你自己想人知嘅嘢，寫啲人地想睇嘅嘢。如果你可以做到的話，你的作文一定會好好多。