關於選科~幫幫可憐妹【20點】牙^^

中史黎講呢,其實會考課程入面係會分為2部分
第1部份: 古代史 [西周,春秋戰國,秦,漢,魏晉南北朝,隋,唐,五代十國,宋,元,明,清]
第2部份: 現代史 [與列強的戰爭,民國-毛澤東時期既事件]
咁樣睇好似要讀好多野咁,其實到真係要考既時候
並唔係真係要讀好多,係可以揀TOPIC黎讀!
範圍會收窄左好多...而每1個朝代平均讀既野都唔係好多..
只係會教D好基本既歷史事實
所以一D都唔難讀

另外世史雖然係讀世界歷史
但唔係個個國家同地方你都要讀
例如會讀下法國,英國既歷史咁
不過都係教D好基本既野,唔會好難
如果用英文黎讀既話就會比較難掌握D

而地理,主要有6個大方向:
氣候,板塊構造,河流,農業,城市,工業
讀既野亦都係好簡單易明,可以話係COMMON SENSE黎架!

經濟就係讀關於香港經濟既野
例如貨幣,需求與供給
讀D關於做生意,同埋市場既野

其實你揀科之前應該考慮清楚自己既興趣同埋能力
文科同商科其實唔係差好多,唯一既唔同係文科要讀中史,而商科就讀會計
其他科目基本上係一樣
理科就比較適合一D對數字敏感,個腦識得轉彎既人讀
好多科目都需要計數同埋讀得通透,先可以讀得叻

而文科同商科肯勤力去溫晒本書已經足夠可以拎到好成績
出路黎講其實上到大學揀科,理科可以揀既科目係比文科多
但其實O係你而家呢個階段黎講未係好重要
因為揀科係唔應該俾個出路困死左
例如你數學唔係好叻,但因為個出路好D你就揀左理科
你自己能力唔可以應付,你1定讀唔好,冇得讀大學
到時就算理科幾有出路都變左唔關你事...
所以你揀科之前1定要諗下,究竟你既興趣係咩,你既能力係咩
然之後先去理出路呢個問題.

希望我講既野可以幫到你啦^3^

我本身係讀理科ge...
試下幫你答化學/生物/物理...
化學...即係chem...
包括你form 2學ge acid & alkali...同埋tests of gas...
大約就係學當一樣野溝另一樣野會變成點...
例如 acid酸 alkali鹼就會出 salt鹽 water水...
其實呢科要背ge野唔算太多...
好似上面neutralisation咁...
基本上所有neutralization都係咁ge樣...
只要記一條general formula就可以用o係好多情況...

生物...即係bio...
包括人體消化系統, 循環系統等各個系統...
另一方面有植物ge生理...包括光合作用等...
好多人都覺得呢科要背好多野好辛苦...
但最重要都係明佢d concept...
同埋肯背肯記...
應該就唔會有大問題...

物理...即係phy...
包括form 2學ge力學同埋電學...
其他仲有波動學, 熱學同原子學...
係呢5個topic...
呢科好考你明唔明佢講果d concept...
因為好多野都睇唔到...
好似話friction咁...睇唔到...只係知有呢種野存在...
我覺得難就難o係呢度...

最重要係chem同phy都要計數...
不過都係 -*/ cos sin tan呢d law...
所以如果你本身唔鐘意計數ge要諗清楚...

如果第時想做nurse應該係一定要讀bio...
doctor就一定要讀chem...

希望幫到你la...有咩唔明可以再明ga...^^
我都明白選科呢d好難揀...
加上你只係form2...好多科都唔了解...
希望你搵到arm自己ge路la...^^