初學者養兔兔~養兔者請進

我已養了兔仔 6 年多了 , 2001 年我買了 2 隻中國兔 , 兩隻都是男仔 , 可以讓牠們一起玩 , 又不會懷孕 !

其實只要你有愛心 , 細心好好照顧牠們 , 不論養什麼品種的兔仔也無問題 ! 但切記 , 一旦決定養任何寵伙物 , 你都不可半途拋棄牠們 , 你必須好好照顧牠們終老呀 !

如養狗 , 每天必須帶牠們散步 ; 如養貓 , 貓兒又不太愛與人玩 , 而且貓的大小便很臭 ; 養倉鼠 , 又不能經常抱著牠們玩 ; 養龍貓 , 龍貓又很膽小 , 小小驚嚇都會病 ; 在眾多寵物種類當中 , 唯獨養兔仔不太難照顧 , 如你對兔仔有愛心 , 兔仔會主動跟你玩 !

你要注意 , 當你買或領養兔仔回來後 , 你首先要花點時間 , 花點愛心去訓練牠大小便 , 當牠學懂只在厠所大小便 , 你便可任牠在家內自由活動 , 你的兔仔越多空間活動 , 牠會越可愛越聰明 !

你要買一個兔籠 , 一個厠所 , 一個水樽 , 一個草球 , 一個糧食兜 , 一包木槺 , 一包乾草及一包乾糧
寵物與人一樣 , 如平日多食健康食品 , 少吃零食 , 健康也好點 , 命也長點 , 所以 , 盡量不要買雜糧給小兔 , 應買單一的主糧。雜糧內有蛋、菜、紅蘿蔔、香蕉等 , 但會很多香料及食素。
我的兔仔從細到大 , 都是吃 OXBOX 這牌子的乾糧及乾草 , 這牌子雖價錢略貴 , 但獸醫也推薦的。每 2 個星期 , 我亦會聽獸醫建議 , 將生菜切粒 , 餵兔仔吃 , 因為生菜有很多水份及纖維 , 對兔仔腸胃有益 , 我平日不會買寵物店的食物給兔仔吃的。

兔仔不需吃太多乾糧 , 只需每朝及每晚給 2-3 湯匙乾糧便可 , 否則 , 你的兔仔會太肥 , 影響健康 ! 兔仔要多吃乾草 , 你應多放乾草給牠吃 , 就算由朝吃到晚也沒問題的 !

致於教小兔大小便 , 你應將木槺鋪在厠所 , 緊記 , 不要將木槺鋪在籠底 ! 兔仔初初回你家的頭 2 個月 , 沒有人在家的時候 , 要困牠在籠內 , 當你在家的時候 , 你可讓牠走出籠外走動 15 分鐘 , 15 分鐘後 , 便抱牠回籠內 , 並將牠放在厠所上 , 教牠大小便要在厠所。若小兔在家的地板大小便 , 你不要打牠 , 你應抱著兔仔 , 走到便便旁邊 , 告訴牠不應在地上便便 , 然後再抱牠回籠內的厠所 , 告知牠要在厠所便便 , 並罰牠企在厠所 5 分鐘 , 若牠想離開厠所 , 你便略粗聲告知牠 , 不准離開厠所 , 因為牠四處便便 , 要罰牠。久而久之 , 大若 2 個月 , 兔兔便會懂得只在厠所便便了

若你再有不明 , 可發電郵來問我。
我的兔仔自細便管教牠 , 所以 1 歲開始 , 牠便很懂事 , 我亦任由牠在家自由活動 , 牠還會看人瞼色 , 若你對牠不好 , 你不關心牠 , 牠會發你脾氣 , 我的兔仔還會於早上及晚上指定時間 , 便走來請你給牠進餐添 !



2008-04-14 10:41:25 補充：
因為我係同時買 2 隻兔仔回家 , 而買牠們的時候 , 牠們分別只有 1 個月及 1 個半月 , 所以牠們都相親相愛 , 而年紀比較大的一隻 , 牠還會很錫年紀較細的一隻 , 細的經常睡在大的肚皮當枕頭 , 牠們又不會爭水爭食爭厠所 , 所以我只需買一份日用品 , 而籠就買一個 2 尺 x 3 尺便足夠 , 因牠們只會飲水進食及便便才在籠內 , 其他的睡覺及活動時間都是自由在家任意走動 !

2008-04-14 10:50:38 補充：
我都是上班一族 , 所以經常留下兔兔在家 , 但只要你每天放工回家 , 抽點時間抱抱兔兔 , 與兔兔玩玩 , 牠們便覺得很滿足了

我的兔兔還寵壞了 , 牠們每朝 7:45 都會在你房門口守侯 , 當鬧鐘 8:00 響起 , 牠們便會很興奮 , 若過了 5 分鐘仍未見你起床 , 牠們便會想盡辦法製造噪音 , 令你不得不起床

當你起床 , 牠們便會跑入籠內 , 靜靜看著你梳洗 , 只要你梳洗完畢 , 腳踏出洗手間 , 牠們便會咬籠 , 要你給早餐了

2008-04-16 13:23:14 補充：
出面有好多獸醫 , 都係專注睇貓狗 , 就算個獸醫係識睇兔仔 , 都可能醫術未夠精 !
等於人的醫生一樣 , 你去普通科醫生睇耳鼻喉 , 佢都一樣識睇 , 不過醫術無咁精 !

我身邊有好多朋友都有養寵物 , 所以我聽聞過很多獸醫的醫術 , 而我就親身經歷過一次小狗垂危的事 , 所以我覺得有一間獸醫內的醫生好勁 !

2008-04-16 13:35:01 補充：
有一次 , 我朋友的小狗 , 整整一個月 , 每日在家嘔 6-7 次 , 又不肯吃東西 , 帶小狗去旺角太門道睇獸醫 , 醫了 2 個星期 , 病情都無好轉 , 後來醫生向我朋友講 , 已沒辦法救回小狗 , 小狗只剩幾天命 !

我立即陪我的朋友帶同小狗去大圍看另一個獸醫 , 小狗留院 1 晚 , 便停止嘔吐 , 第 2 晚還開始肯吃東西 , 小狗留院 5 天便健康出院了 !

2008-04-16 13:39:25 補充：
我的兔兔半歲的時候 , 曾經有皮膚病 , 在大埔看了 2 個星期都不能根治 , 我帶了兔兔去大圍看嚴醫 , 看了 2 次便好了 !

我的兔兔 4 歲的時候 , 我已搬了去長沙灣住 , 有一天 , 兔兔從高處失平衡掉下地 , 後腳骨裂了 , 我也是帶兔兔回大圍看醫生的 !

2008-04-16 13:45:31 補充：
這家獸醫院內的醫生 , 全是外國人 , 除了普通的貓狗、兔、龍貓外 , 還懂得醫雀烏、烏龜、蜥蝪....等 , 佢哋醫術勁 , 而且很有愛心 , 佢哋會去愛護動物協會幫手 , 救返好多被人放逐 , 被人虐待嘅動物 !


大圍珍禽異獸及寵物醫院
地址 : 沙田大圍積信街
電話 : 2687 1030
( 要預約 )

我在 yahoo 都介紹過其他網友帶寵兒去嗰間獸醫的 !

你好啊~
我都有養兔仔的 養左兩隻
賓尼兔長大後身型比較大
貓貓兔比較細一點~~
看你自己喜愛~~

買兔既話唔好去旺角
去兔協領養唔錯~~

如果你想隻兔痴你的話
養一隻比較好~
養兩隻全部野都要DOUBLE
你有冇咁既空間??
籠都要兩個
絕育又係一筆錢~~

養賓尼兔哪,我都係養呢種,佢地個性溫純,幾好,特別係男仔,會比較(痴)人
兔兔已經係最易養嘅竉物了,因為佢地一般都好喜歡乾淨,我同你一樣, 日間唔係屋企.所以呢種竉物適合我地多d,養唔養兩隻,睇下兔兔性格而定,我起初養第一隻,佢好怕悶,成日呆呆地,後來我買多一隻比佢,至發現要做多好多功夫,其後因為第一隻兔兔由高處跳落地受傷而死左,我當時好難過呀,見到第二隻兔兔性格好獨立,都唔駛伙伴咁,所以我就唔再買第二隻,之後用晒所有時間照顧同愛鍚佢.,佢而家晚晚都要我抱佢.感覺超正...so high...
兔兔性格特別,佢地唔同狗狗,故此你唔好用狗狗嘅角度去睇佢....^^
改另一個名,對你來說,意義大d,我都覺得問題唔大,不過你要有耐性訓練佢聽,所以呢..你改名要用d響音.比如冬冬.bb咁,佢比較易接收到.
如果你想知道要預備d咩野,請參考保護遺棄動物協會,我都係睇呢個網而學到野.
歡迎你加入兔主人行列...哈哈.....