唔記得左個名,內容係講一d類似奇幻潮的故仔。每集開頭都有個成身都係紋身ge男人走出來講幾句,之後就會播故仔。
有一集故仔係講有班美國軍人,向個咩都無ge沙漠度,大家都好掛住屋企,但係佢地久久都未收到可以返屋企ge通知。有一日有個男人向軍營外面見到有隻窗,窗入面有個女人,個女人向度盪鞦韆,個男人色迷迷望住個女人,但係隻窗好快就關左門。第二日,男人又見到隻窗開返,原來唔單止係只有果個女人,仲有個細佬同埋一個老人,係一個非常融洽ge幸福家庭畫面,個細佬每日都拎住本書,向間屋度走出來問個女人野。佢就好奇怪點解個女人一路只係望住遠處無發現到佢,懷疑呢家人ge男主人同佢一樣都係走左去打仗未返屋企。後來發現隻窗一日只會打開一陣間,個男人愈睇愈想同果家人一齊,於是日日用網球發球機射d冰過去,希望可以知道隻窗幾時有缺口。終於有一日粒冰射穿左隻窗,個男人就記低個時間,結果個男人就計算每日粒冰射穿ge時間,得出一個答案,最後就衝左過去隻窗入面,其他d同事見住佢沖左入去之後隻窗就關埋左。入左去果個男人走到入去之後發現隻窗原來係單面ge,只有佢望人無人望到佢,個男人好開心咁走到女人面前,個女人唔驚不突止,仲好溫柔捉住佢隻手,男人以為自己得米之際個女人突然"抹"大個口吃左個男人,當然佢個細佬同老人家一齊吃左佢。從此果家人果邊就開左隻窗,而佢地都知道原來可以穿過去,於是佢地日日就用條吃剩的骨係咪打落隻窗度,希望有朝一日可以走到過去沙漠果邊開餐。
個故仔個名好似叫"window"。希望你地可以解答到我啦。