我買個時, 個老闆同我講, 話狗仔有少少痾"爛"便便, 可能係D狗糧唔岩佢, 但我買個時, 佢包一次買前獸醫檢查, 檢查完冇問題先買, 當時檢查完, 醫生話佢冇咩大問題, 仲好好精神, 咁我當然放心買返去.
但係養到而家, 都已經十日有多, 狗狗仍然都係痾"爛"便便, 有次仲有d好似鼻涕咁既野, 一般黎講, 佢飲完狗糧之後, 每次都係半個鐘內佢就痾返出黎, 仲自己係咁食返, 我見到都阻止佢, 但有時唔係屋企, 返到黎就好明顯知道佢食左.
4月8日, 我帶佢去元朗動物診所, 個醫生同佢驗左狗瘟同腸炎, 幸運地, 佢兩種都冇患上, 我問醫生, 會唔會同狗糧有關, 但個醫生就話佢大便好多細菌, 可能係一d腸胃問題, 之後開左一星期藥比佢食, 食左3-4日藥, 但情況都係咁, 都係痾得好快, 冇咩太大改善. 我去pet shop 問, 佢地話可能係狗糧唔岩, 狗狗本身食開hill"s puppy, 而家試同半肉飯狗糧兩溝, 但情況依然係咁...... 幸好狗狗好精神, 仲好玩得, 成日周圍跑.
1. 究竟有咩方法令到狗狗大便正常???
2. 仲有令到佢唔好食返佢自己d 便便???
3. 佢經常都飲水, 有冇問題呢???
4. 元朗有邊一間獸醫診所好呢??? (如果唔係元朗的話, 都可以) 以前係元朗動物診所睇過一個女醫生, 佢好細心, 但上一次去, 個姑娘話個女醫生要預約, 姑娘態度十分惡劣, 個醫生又麻麻地, 我打算都唔會再返去睇. 個次睇醫生用左$900, 不過唔係錢既問題, 而係服務態度唔得, 醫生唔細心既問題.
希望大家幫幫我隻狗狗!!!
更新1:
剛剛係pet shop 買左杜蟲藥, 但唔敢比佢食住, 等佢好返先食, 對ma??
更新2:
佢有時d便便好大陣狗糧味, 昨晚佢又痾"爛"便便啦...... 而且又食返....... 醫生開個d係有, keflex (抗生素), gasteel (胃藥), 係白色藥水（應該係止痾水）， 仲有一個唔知咩黎． 如果而家開始食杜蟲藥， 會唔會同ｄ腸胃藥相撞ｋａ？？
