眼睛有紅筋!

跟據 中醫眼科學 五版教材內裏提到:

『火為陽邪, 其性上炎, 易于侵目, 且因其他外邪常易化火, 故火邪所致眼病比較多見. 其致病多表現為眵(眼屎眼膠)多黃稠 , 紅赤掀熱, 腫痛生瘡, 赤脈(紅筋)粗大, 怕熱畏光等, 以及血熱妄行之眼部出血症.』

「睇野好似有一層霧係眼前咁」的原因:
因為火熱上攻眼竅, 眼睛水份被火熱燻灼, 故形成霧氣, 因內熱不熱燻灼, 霧氣不斷, 整極都整唔走, 另外眼睛水份少咗, 故眼痕.

「不過感覺隻眼冇以前咁舒適了」的原因:
除了因為以上原因外, 可能閣下會覺得有「用手指按壓眼睛會較舒服」的情況, 如果是這情況, 是因為眼壓升高了, 眼壓升高致眼內的房水增多, 眼球脹咗覺不舒服.


形成以上原因, 其病因包括如下:

1) 飲食不節: 系指過食辛辣, 膏梁厚味, 或嗜好煙酒刺激之品, 致使脾胃蘊積痰濕熱毒, 阻塞經絡而致.

2) 心火內盛: 這個可因以上飲食不節或七情內鬱 (即久即壓力) 化火而成.

可能除以上情況之外, 閣下近來還有以下情況出現:
1) 暗瘡較多
2) 大便乾結
3) 小便氣味大 / 短赤
4) 常覺口乾 / 口苦
5) 難以入睡, 心煩等等


這些因為是內熱引起, 所以滴一般的眼藥水係無用的.

解決方法:
你只要响呢D日子內唔好食煎炸嘢 ((打邊爈, BBQ, 麥記, 薯片…) , 飲多D水, 菊花水, 蜜糖水等, 眼睛方面, 你可以買包小小的菊花「UP眼」 (余X生, 東X紅之類的大藥店, 有D真空包裝的小菊), 你將D菊花分開兩次用 (太多了), D菊花用來煲水, 煲水後水可以飲咗佢, 然後D菊花熱敷眼睛 (敷晒佢), 敷咗菊花嗰晚早D瞓, 好快就無事了.

同時可以去涼茶舖買盅具有清熱解毒嘅龜零膏食 或者 飲夏枯草, 清咗你D肝熱, 咁就無嘢啦.

注:
1) 菊花水寒涼, 飲飲吓覺得頭暈就唔好飲啦. 另外飲完會好肚餓, 記住食嘢, 如果唔係會胃痛的

2) 菊花水、龜零膏、夏枯草 皆品性寒涼, 只能三選二 / 三選一, 過寒涼會令人頭暈, 如果真係三選二者, 最好將二品相隔幾小時才服用. (如 菊花水 (先) , 龜零膏 (幾小時後))


這只是很初期的「眼部疾患」, 如果不加注意飲食及起居調節, 使體內積熱太過, 可能會演變為眼瘡, 雲霧移睛, 眼底出血之類較嚴重的眼患, 更嚴重的更可引致暴盲、綠風內障等眼患.


如果閣下採用以上方法清熱方法效果不理想的話, 須看中醫或附有眼科的中醫 (即: 中醫 (眼科)) 治理.