依個世界真係好唔公平唔開心

唉....我同你可謂係同是天涯淪落人
我係男仔...17歲啦未曾敢去識女仔....
我好高瘦,成支柴咁;塊面天生唔夠氣色--青綠青綠成俊怪獸咁;
成績又嬴唔到想嬴既人...係興趣方面數學宜家差左,捉棋又輸晒/.\"

我係03年係內地來香港...所以冇乜fd,更冇資格提異性...
我單親家庭黎,岩岩黎到果陣被人逼要留級因為我係內地未學過英文!
加上係內地讀書係遲香港學生一年既,所以加埋留級大兩年╤﹏╤
有時真係覺得好自卑.......
我好少fd,一開始仲要俾人排斥,因為我話音唔準..同學就笑我T﹏T
英文又懂電腦又唔識,老師都好似對我不公咁...
係果陣時,,我真係覺得好灰,同你諗既一樣,
點解個世界咁唔公平,點解我唔似佢地咁幸福....??

不過我冇放棄我自己,
我發音唔準但我唔怕俾人笑繼續講,
我英文0分但我為自己開一本英文生字簿去學
同學排斥我,我就試下去搵我做錯左咩...原來係我有時會唔小心干擾左佢地,加上樣衰.令佢地討厭...
所以我就不斷去改變自己....

宜家...我上左間band2頭既中學,,
成績十名內,英文今年更突破有全級14名
發音方面,我有時仲會話我同學既懶音問題,更參加過朗誦比賽
朋友雖然唔算多不過起碼冇人排斥我,我尊重人地,所以得到人地既尊重,當人地對我出現異常我就學識從自己做錯乜去改善...
我宜家覺得自己幸福好多,我過得好開心因為有家人支持
我發覺大把人仲差過我但佢地都冇放棄而去努力自強不息

雖然..我唔靚仔 冇人仲意 冇人緣 冇人地咁有錢 冇人地咁多fd
但係當我學識改變自己 更新自己 又從另一角度睇事物
我發覺,,我好幸福!

2008-04-10 19:24:30 補充：
補充一樣『被嘲諷而放棄既人』...
呢件事發生係兩年幾前,我班黎左個新生
佢都係內地黎發音唔準,,同我以前一樣
唉...佢同我以前一樣,一出聲,d人就笑佢
笑下笑下,.佢由一開始好仲意發表意見變得好靜...
佢開始盡量唔出聲...佢放棄左大部分既日常生活對話
果陣我真係好可憐佢,估唔到佢咁就放棄左...
我記得我上中一起已經有八成唔會講錯

宜家...佢發音依然係咁,同以前冇乜分別!都唔知佢要逃避到幾時..

呢個真實既事例更加教你 『唔好輕易因人地而改變你自己,唔好一受挫就要言棄』
俾人地話幾話 就搞到自己唔開心,人地將佢地既快樂建係你痛苦之上,.你就更應該去開心俾佢地睇!!

自古以來呢個世界不嬲都冇公平過，係咁㗎啦，睇開D啦！

我覺得002的答案沒說錯,別人怎樣看自己有什麼關係呢?最重要是自己怎樣看自己,何必自己用別人的尺度誇大自己的缺點呢!

我不相信你一些優點一些長處都沒有,如果外表不萛很美,但亦要保持整潔,性格隨和,溫文有禮,一樣受人歡迎的!

如果成日妒嫉別人,對任何人都黑口黑面,咁想人對你有講有笑都難了!

任何人或事都一樣有優點和缺點存在,就像錢幣的兩面,我不相信世界上有一樣東西只有優點沒有缺點!

成功的人和失敗的人其實一樣有優劣點,只不過成功的人努力發展自己的長處掩蓋了短處,失敗的人只看見自己的短處而天天只會怨天尤人而不求進步而己!

其實呢個世界就係有好多唔完美既事
冇一個人係完美ga
你唔好成日諗自己有幾樣,幾慘
其實大把人都慘過你,
可況你都係完整無決
有d人都成日比人話la
但係佢地都依然樂觀咁過
其實呀,你d同學令咁又點,
令都唔算得d咩
又唔可以加分(除觀感外)
最緊要係睇個內涵,
如果淨係得個令,冇內涵
d人都唔鐘意la
果d人講你,係佢地自己衰姐!
佢地令咁又點,又唔係十全十美既!
做咩要咁介意人講野呢?
佢地笑你,
即係笑緊自己,笑自己好冇品(品格)
所以,唔好理佢地,要同自己講,自己就算外表唔令,
個內涵令咪得lo,遲早有一日會有人欣賞你既!