我想問邊度有靚D既婚紗租, 貴D無所謂, thanks!!!

Thanks :)

我介紹中環一間比你，你可以上去睇下
d婚紗同晚裝款式比較簡約高貴
婚紗單租一件大約3千多

Charmant Bridal
中環機利文新街8-12號4B
電話﹕2544 6811
www.charmantbridal.com

你可以去tst金巴利道找
因為集中，而款式都多元化

加上靚的定義人人唔一樣
你可能中意傘裙、有d人又中意直身
最好你就留意MTR的廣告
去行一次婚紗展
一次睇多間，比較一下
因為大家都會將招牌衫SHOW出來

反而你自己搵，就要以下分享

揀衫篇
1. 看圖參考

多d買婚禮雜誌，睇下入面d婚紗款、顏色同埋品牌，初步估計下自己喜歡d咩款，或者係唔中意d咩款。因為好多人話無概念，特別係好似我哩一類男人婆少著裙，就更加要睇。可以的話，就留意下model肥瘦身型，咁就可以估計下自己0岩咩款。

p.s. 如果覺得雜誌貴，可以去公共圖書館入面睇，唔洗錢，又有冷氣，仲可以拍拖添!



2.個人喜好

問下自己中意咩cutting?款式?咩色? 咩質料?咩長度?......最最最最最緊要，係有budget上限。哩個一定要有，唔係你會因為"嘩...好靚呀!! 嘩...好閃呀!!! 嘩...好大拖尾呀!!!"，而嚴重超支。



3. 家人/朋友意見

必要時，除左自己中意，最緊要睇下你男友、媽咪、奶奶、伴娘有咩意見。因為可能你男友唔俾你低胸、對方及自己家人唔中意你中大露背，有時為左順下人意，都要將就下，取個平衡。



4.巡迴window shopping

多d行下街，去睇下不同的店。香港的婚紗店主要集中0係太子金都商場、尖沙咀金巴利道、元朗(好多間，不過相對無咁集中)同埋銅鑼灣(散散地)。元朗最化算，可能$2600左右已有6件不錯的，金都就$2600左右會有4件，tst就$4000幾至10000幾都有，對面海因為租貴，一般都比較貴。



5. 鎖定目標

巡返幾個月舖，就應該有10間8間心水。搵左心水，就最少帶男友同一個同性朋友去睇衫啦。



6.問清價錢

哩個時間，可以根據自己的budget逐一去問詳細價錢。一般package都有定價，試衫有d舖要俾試衫費(一般都係$500任試，有d每件$50 etc)。不過都有d舖唔洗收費試衫，有d任試，有d就要booking先可以免費試2-3件。記得問清如果試0岩之後，可唔可以0係package度扣返試衫費。

另外，好多項目都需要另外加錢，包括:

- 平腳轉拖尾款 (數百元左右)

- 特別款式 (數百至數千一件不等)

- 加披肩/配飾



7. 套餐內容

問價錢時，都要知清楚包咩。最基本係問包幾多件衫。有時，有d package會包婚紗、晚裝及男禮。如果你男禮想0係其他地方搵，可以"講數"。如男禮轉為晚裝/伴娘衫/媽咪衫等等。一般都可以講到。

另外，問埋包唔包配飾(頭飾、首飾)、底裙(底紗就好係三層，因為好過二層紗)、手套、披肩。唔係佢唔包，有d支出又要多左出黎。

最後係問可以借幾耐(一般3日2夜)? 幾時要最後決定租款? 幾時最後試身?



試衫篇

1. 預約時間

由於試婚紗及晚裝係唔可以自己試，要sales協助，因此，你要先行預約時間，等人地可以服務到你。如果唔係，你貿貿然入去，人地客多就唔會有時間招呼你。



2.避開人潮

如果你可以，就用平日中午時間去，因為大部份人都返工，你就可以慢慢試。繁忙時間則為星期六日及平日放工，特別係婚紗展之後0個2-3個星期，係最多人。人一多，你睇又唔方便



3.帶備用品

試衫如果想效果好d，可以帶束衣(girdle)、穿收腹褲同埋帶高跟鞋。不過咁，建議你問問sale穩陣，因此我0個間就叫我唔好帶。因為未confirm款就買girdle，可能唔係太合適。如果係咁，你又怕真空尷尬，可以用平平地的nude bra or 乳貼啦~

鞋就係為左方便你預計實況。因為你唔夠高，以為有d款你穿得唔好，加對鞋，高返少少，就可能好唔同。



4. 落足眼力

試衫時，最先留意當然係舒適度。特別係婚紗。你諗下，你婚禮當日0個幾件衫著成日，如果係鞋身、拮住晒，周身唔自然，影相都唔靚啊!

另外，就係第一眼感覺。同你同行的人，你睇佢地d反應，就知你件衫好唔好! 你一0係更衣室出黎，佢地就"嘩! 得喎....咦? 好fit喎"咁你就知好~如果你出黎，佢地"er.....或者..不如試下"，咁你就知咩事。講真，d衫都係一件穿幾小時，唔會睇到好details，最好係有眼前一亮的感覺。

第三，要睇下d衫舊唔舊。因為有d衫好好款，不過d布舊，租到殘晒，就好可憐。

最後，留意下件衫d布、人手釘工係點，因為哩d決定左佢值唔值咁貴。如果可以，不妨問下店員d衫係自家設計製作、定係自家設計，內地製造、or外地入口，香港修改等等。



5. 相機隨身

由於試衫d鏡一般都係斜放，等你個人睇到好似高左瘦左。故此，未必可以見到真象。如果店舖允許，最好影低佢。前、後、左、右、上、下、特別設計位拍低佢，返屋企可以比較下丫嘛!

我舊年結婚經朋友介紹咗個Wedding Planner幫我搞結婚，我D婚紗都係係佢度租架，又靚又抵，尤其係婚紗，你有興趣都聯絡佢問下啦．佢email: [email protected]

你可以去金巴利道睇睇，因為果條街比較集中，而且有好幾間公司既婚紗好靚、好閃，另外，你亦可以上網搵一個叫Jenny Wong既設計師，佢既婚紗同晚裝都OK架，不過佢就係元朗，同埋要預約，如果你想再搵多D資料，你可以上ESD Wedding 搵下D資料，有好多資料都可以參考一下。