這算哮喘藥物嗎??

哮喘其實係氣管非常敏感,敏感狀況出現後會令氣管收縮,引致氣喘,你o既情況,只係非常輕微,所以會話你係氣管敏感,因為哮喘唔用藥會死人,你o既情況,最多只會咳到瞓唔到,唔會死人....
Dextrocolla??(應該係Dextrocilla)係草木植物精華 中樞神經抑制劑,用作鎮咳,副作用為有睡意及便秘。
Promegan即Promethazine,屬舊式抗組織胺,用作抗敏感收鼻水之用,副作用為有睡意(非常)及口乾。
Redipred即Prednisolone,係一種類固醇,用作減少氣管敏感,長期使用會有很多副作用,如水腫,免疫力下降,骨枯等等,請務必依照醫生指示使用。
Eusolvon即Bromhexine,用作化痰之用,副作用輕微,最多只係腸胃不適。
Dexohexine有Bromhexine同Dextromethorphen,由於Dextrocilla已有Dextromethorphen,Eusolvon又有Broxhexine,唔建議你食呢隻藥,副作用同上。
Ventolin即Salbutamol,作用為舒張氣管,常用於氣管敏感及哮喘病人身上,基本上用吸劑最少副作用,但係價錢貴得多(一支幾十蚊,用到二百下,每四個鐘一次,每次2下,藥丸來貨價幾仙粒),藥丸副作用主要有心跳加速同手震,吸劑冇呢種副作用。
其實哮喘藥唔係只係用於哮喘病人身上,唔同哮喘藥有唔同作用,亦可以用喺唔同病症度,呢方面要睇下係乜藥,我唔講咁詳細,唔係就會俾人話我長氣^^"

Ventolin Tab是氣管舒長藥，可在短時間內擴張支氣管。氣管敏感會令氣管收窄，哮喘作用也類似，所以咳很久或氣管敏感病人也會服氣管舒張藥，舒緩氣管不適。
不同在於他們多用吸入氣劑，作用快很多，而且是長期帶著用。而氣管敏感則用藥丸，作用比較慢，多是短期用。不用擔心，你不是有哮喘，很多人也會這樣服用。
Euritin是止鼻敏感的藥。Promegan是抗敏感/收鼻水藥，副作用是眼睏。Eusolvon Tab是化痰藥。Dexohexine則是止咳用。