e-mail 收到的文字，變了怪字

因為傳送e-mail時, 係會將文字變成電腦編碼寄出, 當收到時, 會將電腦編碼變回文字, 但有時會譯錯碼, 所以就會出現怪獸字.
因每個人用的系統不同, 預設的編碼不同, 如果寫電郵果個人同收電郵果個人的編碼程式不同, 就有機會出現亂碼, 但點解有時又唔會呢?? 就係因為有d系統係識得自己search應該用咩編碼開先唔會亂碼.
如果你收到怪獸字電郵, 你用以下方法 :-
首先highlight哂你編電郵, 然後選 "檢視" -> "編碼" -> "unicode(UTF-8)", 因為多數電郵預設都係用呢個碼, 所以首先係試呢個碼先, 如果都係唔得, 你就要逐一試, 例如發件是中國地方, 你可試選 "簡體中文(HZ)", 如果係香港地方, 就試 "繁體中文(Big5)"

我都遇過咁既情況, 雖然我唔係高人, 但係希望可以幫到你啦~~~

如果你係網上睇e-mail, 有時亂左碼, 係因為編碼問題. 即係話電腦冇幫你搵到適合既編碼, 而需要手動.

因為有時你收到郵件既時候, 電腦會以為係簡體字, 又或者係其他語言, 所以自動幫你轉左, 當咁既時候, 原本係繁體字既郵件, 就會睇唔到. 係咁既時候, 是但搵一個空白位按滑鼠右鍵, 再按"編碼" , 找回適合這封電郵既語言. 便成~~~

我只知道咁多, 唔知幫唔幫到你嫁~~~

仲有一個方法嫁其實, 就係下載windows live mail, 上MSN.COM就可以搵到嫁喇~~~用依個軟件睇e-mail而唔係上網睇. 咁出現亂碼既機會都好細.