我想問如果有Master Degree...

✔ 最佳答案

睇吓係邊間大學的Master Degree, 如果係牛津或劍橋之類, 有機會教大學的Part time 夜校證書課程, 如果是香港大學畢業, 就困難少少.

要在香港D大學教書, 競爭好激烈, 跟住你一定想問: 點樣先至可以做大學tutor, 其實係要佩合工作經驗, 雖然很多大學請tutor時, 寫的minimum requirement係碩士學位加三年與任教科目有關的專業經驗, 但係話明係minimum requirement, 同行競爭起來, 三年當然唔夠!

Full time 的大學tutor, 我同佢地唔係太熟, 唔係太知佢地咩料, 但教Part time 的, 我識唔少, 正常來說, 一個於理工/城大教Part Time Diploma 的Part time tutor, 通常係兩個碩士學位 + 十年以上工程師級或經理級的經驗 + 若干教書經驗(教Part time unrecoginzed degree的經驗或中小學教書經驗或教職業訓練的經驗亦可), 如果係博士, 經理級或工程師經驗可以唔使十年咁多, 但教書經驗依然好重要, 冇就唔會考慮! 不過博士要取得教書經驗好容易, 應徵大學校外課程的Part time 短期課程導師通常優先取錄.

可能對你來說, 兩個碩士學位唔難讀, 但係點變十年Senior Management 的經驗出來呢? 你又無需擔心, 我有兩位朋友, 用很特別的手法突破了這個限制.

第一位: 中文大學會計系畢業, 於政府任職會計管理階層八年, 這八年內, 她讀了個英文科碩士, 想在大學教英文, 但係知道八年會計經驗與英文關係不大, 大學唔會請佢, 於是她再讀一個教育學碩士, 應徵成為毅進計劃的英文科教師作為橋樑, 得了一至兩年教學經驗後, 成功應徵成為大學一個Part time 管理文憑課程的 Part time tutor , 可能是因為她的第二個碩士是教育學, 大學對她的專業經驗的要求減低了, 再一年之後, 她獲公開大學聘為教Foundation Level 英文課程的 Part time tutor. 現在她本身仍以Part time 為生, 雖然未能成為Full time 大學 tutor, 但她能成為Part time tutor , 其實已成功了一半.

第二位: 廿幾年前, 香港大學土木工程系畢業, 起初於中學任教, 後轉到工業學院教工科, 之後又轉到政府做工程師, 其後他以半工讀的形式分別於幾間世界一流大學考取了四個碩士學位, 這四個碩士分別為工商管理碩士, 建築工程學碩士, 法律學碩士與及...(連我都唔記得咗佢最後個碩士係咩)... 之後佢又考獲大律師牌 (註: 大律師牌比一般的事務律師牌更高), 佢亦成功受聘為公開大學及城大的Part time 法律科tutor, 專教Part time diploma 的法律科, 雖然法律與他十幾年的工程師經驗無關, 但他依然能成為 Part time 法律 tutor, 無需十年律師經驗, 因為佢有四個著名大學的master degree 及大律師資格, 而據我所知, 他於兩年前已經開始咗讀第五個碩士, 現在可能已經又畢業了.

總括來說, 即使你缺乏十年有關專業經驗也不需怕, 只要你好似以上D人兄咁, 取得教育學碩士, 或 4個著名大學碩士學位, 即使缺乏有關經驗, 依然有機會.

回答 (2)