男仔著裙睇法 - Ans.fyi 參考答案

男仔著裙睇法

屎人

2008-04-10 6:44 am

我爬過 posts，好多 posts D人都話男仔可以著裙。但又係唔係真？

我係男仔，由小學至而家 Hi-Dip 。一向都有諗過想著裙返學/行街。
我想夏天著白色/淡藍/淡黃有袖連身長裙，(百摺裙o個種)，....(同校服裙差唔多)
冬天著深藍色連身裙，裙到膝下。
如果你o係街上/搭車時遇見到有大學/IVE 男生好似我咁想o既著法，你地第一時間有咩感覺？(請認真思考作答，唔好 copy posted)
或者如果你班中有男同學咁樣著裙，你會點睇？(會唔會唔敢行埋佢度？ /佢易唔易受人排斥？)

講真，我O係屋企都會著裙 (cosplay o個D，)，天凍時會著住目訓，家人都見慣。我有時落樓下買D野都懶得除照著落去。
所以我本身已經習慣，問題係外人點睇我。

蘇格蘭裙係點樣？(俾D相我睇下)
如果做電腦仔 (如 network admin、ISP o個D back office)，著蘇格蘭裙返工，通常D老細/同事能否接受？

回答 (1)

lala

2008-04-10 11:50 am

✔ 最佳答案

男仔係可以著裙既, 但你要接受人地當你係怪物咁睇囉.
老實講, 香港人思想其實係好保守, 一見到異類就投以奇異目光, 著得唔同d, d阿姐阿叔更加由頭望到你落腳.

我個人接受能力強, 唔介意同呢類人交朋友, 但你要預左學校其他男仔會玩/笑/杯葛你囉, 女仔又怕你係變態.

我唔知你性取向啦, 如果你係鍾意女仔的就唔好選一d女仔feel的裙囉, eg你所講的校服裙, 而連身長裙都唔岩男仔著, 我建議你揀一d穿起上黎比較man d既款式, 蘇格蘭裙的確係不錯的選擇.

建議:
布料: 有厚感, 粗獷, 爛爛地, eg, 皮, 牛仔, 加d鍋釘, 金屬
顏色: 沉色為主, 中可帶小小鮮色圖案
cutting: 不規則的也不錯, 唔好貼身
圖案: 蘇格蘭裙的格仔係有好多款式
http://en.wikipedia.org/wiki/Tartan
http://www.house-of-tartan.scotland.net/
http://www.tartans.scotland.net/

如果你就咁著條裙出黎可能會嚇親人, 返學時可以著多條褲(唔係貼身o個d)o係入面增加粗豪感, 等其他人習慣你的衣著先.

返工一定唔得架喇, 就算同事接受到, 老細都唔會冒險, 因為公司可能會有客人, 俾個客見到你咁著, 仲邊有信心同你地做生意吖.

如果你total look cosplay出街, 咁而家d後生既都知既, 應該唔會點, 至怕你一半一半咁唔知你做乜.

參考: 一字記之曰: man!

👍 0 👎 0