沙灘邊個好?

觀塘去沙灘,最近o既有西貢同港島南區o既沙灘,如果唔去大清,咁就可以去深水灣,淺水灣,赤柱或石澳。
深水灣可以去銅鑼灣登龍街(天一醫務所對面)坐40號小巴,價錢$9,冇分段,經深水灣,淺水灣,同赤柱。深水灣泳灘較淺,浪唔大,但沙灘面積較細,有餐廳同燒烤場,不過餐廳有少少貴,同埋好似冇locker,不過一落車對面就係沙灘,方便到極。
淺水灣落咗車要行樓梯,落去容易,上去就麻煩d,有locker同七仔,仲有沙灘排球場,但係就冇得燒嘢食(上面位朋友o既資料應該係十年前....),灘面大,浪細,可以租locker同浮床,但係水深,離岸十米左右已經唔係好到地,浮台離岸好遠(過百米)。
赤柱灘面較細,沙床多石易腳,吹東風時浪大,但係有燒烤場,有餐廳,行遠d有惠康,仲可以落赤柱市集行,搭車回程最方便(因為淺水灣同深水灣喺旺季係冇可能坐到40號小巴回程),仲可以去到先買泳衣同食物,但係冇得租locker。
石澳灘面同淺水灣一樣都係好大,有好多士多,飲食方便,坐車就要去筲箕灣巴士總站坐9號巴士/紅van去,價錢唔記得,小巴大約十多元(11-12),巴士$9.x?;石澳水唔太深,不過海中有礁石,東風時浪大,有暗湧,對初學者/不懂游泳人仕較危險,為救生員出動率最高之泳灘,但有locker,浮床租,又有得燒嘢食,都幾方便,回程都易搭車。
如果去赤柱,仲可以去柴灣坐16x小巴,價錢$6.5,巴士就可以去西灣河坐14號;仲有中環同北角(經銅鑼灣)都有巴士去赤柱,不過呢d太複雜,你想知就問我;
仲有,想講講回程o既問題,旺季時,赤柱出車已經好滿(40號一定滿坐)淺水灣坐巴士出銅鑼灣四個字一班(65號巴士,總站北角,只在星期日及公假開車),如果唔係就要坐巴士出中環(經灣仔),去到深水灣仲難坐車,好多車過咗淺水灣都滿哂,呢d因素你要考慮。淺水灣旺季有紅van去旺角(較多車),銅鑼灣都有(不過得一兩架車行)。
至於你坐咩車去邊個灘,我諗你識揀啦~

第2位人兄好勁ar! D野好詳細!Thanks! :p

我建議你去"淺水灣". 又有我bbq, 又有得游水, 好值得去 (:
你搭地鐵去銅鑼灣, 有一架小巴-- no.40 係去stanley, 途經淺水灣, 咁就去到啦