我的倉鼠腹部脹起 , 怎麼辦, 那兒有獸醫

如有第隻男鼠一齊,可能係懷孕,亦有可能係內臟腫瘤,都要留意會唔會係有便秘問題?年半年紀已經大,最好搵獸醫檢查下
其實只要揀過先睇,都有好既鼠醫生,但就真係唔多,當然睇醫生唔包醫得好,加上年老又難處理,不過可以既話試下幫下鼠鼠,唔係就只係由得佢,而且體內問題都要醫生確診先知係唔係真係腫瘤

大圍珍禽異獸及寵物醫院 DR.TIGER/DR.LAM
Tel: 2687 1030地址:大圍積信街75號地下
http://www.taiwaiexotic.com/
基本診金$290,藥及手術另計

旺角動物診所 - 梁醫生
九龍窩打老道66號A地下
電話 : 2760-1026
診金大約$250,唔太肯定,有d唔記得,藥及手術另計

A.子宮腫瘤(體內腫瘤)
女鼠下體腫,可能會係子宮腫瘤,都有機會係其他體內既腫瘤,體內既腫瘤一般唔係咁易被發現,初時可能會冇咩徵狀,到後來就可能會有內出血,下體出血既情況
如果做手術整腫瘤要落麻醉藥,所以如果你隻鼠年紀大既話,就要考慮清楚先好決定,老左既鼠好難承受到麻醉藥既

呢D都係好嚴重既問題,一定要睇醫生處理,睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,可能會好累咁,係冇咩胃口既

B.便秘
分辨便泌:
1拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬;唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做
2)清晒個籠之後,再仔細留意佢既排泄物係咪真係少左
3)睇下鼠鼠排泄時會唔會好辛苦,平日休息又會唔會好痛苦咁縮埋一舊
4)便秘有時會見到佢肛門附近會濕濕地咁,唔好以為濕就係肚瀉,便秘都會
5)留意會唔會有排泄物塞住左

年老便秘處理方法:
1)將食水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
3)到鼠鼠年老時,如果有便秘既情況,其實係可以用手輕輕力按排泄位,幫鼠鼠推D排泄物出唻,不過真係要輕力,冇把握就唔好試了
4)知你一籠一鼠,但都要小心唔好將第隻鼠既用品混埋一齊洗
5)情況都冇改善(2日度啦),就必須睇獸醫處理

照顧年老鼠要留意既事可參考以下我回答既知識,仲係發問中,不過我覺得可以睇下:
http://hk.knowledge.yahoo.com/question?qid=7008040603097

我的倉鼠都是女仔,不過佢都子宮腫瘤死左,我好傷心...............

不過我的倉鼠個腹部都係脹起左,我怕你的倉鼠都係生子宮腫瘤!!要及早治療!!但係邊到有獸醫我唔知啦!!

2008-04-17 17:08:56 補充：
希望你的倉鼠唔會咁快死啦,養了年半,你都會好有感情................

可以跟你說帶倉鼠去看獸醫是沒用兼浪費你千幾蚊,
因為倉鼠太細隻喇,獸醫根本上5知點醫,最多開D藥打支針俾你睇,
但係倉鼠分分鐘受5住D藥力而適得其反.
這是我的經驗. 看不看獸醫還是你的決定~

倉鼠囡有無同囝一齊養呀?
如果有,可能有b都未定喎......