✔ 最佳答案
你千祈唔好自己辭職立刻走人呀!呢個無良老闆唔止想即時炒你唔補水,仲想呃你自己辭職,咁佢有藉口唔補水之餘,仲有可能要你補水俾返佢~~扣你一個月薪金作為辭職代通知金。佢分明係欺負你唔多明白僱傭條例,想係你身上搵著數!
你係公司工作過三年,首先要知道你是否連續性,每周都有十八小時以上工作,如果有嘅話,咁你和公司就有連續合約,無論佢即時炒你或你即時辭職,都要給對方補償一個月薪金作代通知金。依家佢叫你自己要求辭職,就分明係想呃你錢!
工時浮動係唔影響僱傭合約嘅,只要你符合足夠鐘數就有僱傭合約,雙方都有責任遵守僱傭法例。你有上班記錄的映印本,若加上出糧證明已足以證明你係佢僱員。
你自保方法就係唔好俾佢呃你自己辭職,如果佢炒你無一個月(你地無特別合約一定唔會係7天)通知,就一定要佢補返一個月代通知金。如果你證明佢係裁員,就唔使客氣要佢俾埋遣散費,因為你有三年工齡。未放年假都記得要佢補返錢。
如果你老闆要刻意違反勞工法例,你最有效方法就係向勞工處告發佢。有關較詳細僱傭條例可上勞工處網站查閱
http://www.labour.gov.hk/public/ConciseGuide.htm 也可依網站內的電話致電查詢。