五月去雲南

1五月去適合嗎？
參考這個天氣網站http://www.worldweather.cn/ci/ci017.htm
2.雲南適合自由行嗎？
已經開發了後久，自由行都好方便。由昆明，大理，麗江，蒼山，中甸，盧沽湖都係熱門旅遊點。好多外國人都係自己去。
3.有危險嗎？
出門在外，始終要小心財物。治安唔錯，沒有特別的危險。
4.聽講天氣變化好大，咁應該著咩衫去啊？
要帶風樓，山上大風，蒼山的天氣最冷。唔算怕冷的話，冷衫加風樓應該夠。
5.有啲咩要留意？
相對其他旅遊地區，這裏真是好方便。除非你第一次出門。無論食住都可滿足到港人的要求。
6.有無高山症？
基本上無，只是蒼山比較高，如果你在2千多公尺高就有高山反應，就會有唔舒服，最常見是頭痛。
7.需要幾多日至夠玩？
視乎你要去幾多個城市，停留幾耐，細意遊的話玩1個月都唔夠。
8.咩價錢？
視乎你坐咩交通工具，住幾多星的酒店，食d乜，同埋玩幾耐。如果跟團，8天大約6-8千。

我系舊年10月份跟團去雲南架﹐雲南D天氣早晚溫差大﹐而且雲南省甘多地方﹐每一個地方D溫度相差都好大﹐所以人地比喻雲南D天氣就好似﹕十裡不同天。建議你要多帶返一件風褸備用啦﹐平時我都建議穿長袖衫啦﹐因為唔容易晒黑嘛﹐雲南地屬高原氣候﹐所以D紫外線光較強﹐墨鏡﹐防晒油﹐雨傘﹐太陽帽一定唔可以少﹐導游都有講過話五月份系比較適合去雲南玩﹐如果你自認為響大陸D自由行經驗都有甘上下架話﹐甘都系自由行會玩得自由D咯﹐雲南系一個少數民族比較多架地方﹐所以建議你去之前先了解你需要去果個地方D民族風俗會比較安全D﹐如果跟團一般D導游都會提醒你架﹐
我當時都無高山症出現﹐如果身體無其他問題一般都無事啦﹐或者有D人會出現少少耳鳴現象。如果你去麗江玩﹐可能住返一頭半個月都唔想走架﹐我有D朋友都系甘﹐去到之後住返一﹐二個月先至返黎﹐夠唔夠玩﹐似乎你自己咯﹐價錢睇你點玩啦﹐坐直航肯定會貴過你坐火車啦﹐住宿同吃野D價錢都唔貴﹐不過D景點門票都唔少架。或者你可經通過呢個網站了解嚇啦﹕http://www.516yn.com/list.asp?boardid=50