二手Canon EOS 20D $4500 抵唔抵?

你自己用緊Pentax機點解唔考慮升級Pentax較高級機種呢?Pentax啲機都唔錯喎.可能你覺得Pentax鏡頭唔太啱你心水啦.
Canon 20D雖然都係一部好機,你轉機我都建議你轉中階機,否則入門機轉咗又係差唔多,有點多餘.但係部機己經出咗4年.你朋友部機只係用咗一年,即刻佢買既時候30D都賣咗成年,佢買既唔係貨尾就係二手機.
其次支鏡係冇用的,咁既焦距應該係啲陳年舊鏡.一來唔值錢,二來配20D焦距變咗56-112mm,長又唔長,短又唔短,都唔知要來影乜好,支鏡光圈都唔慌大.
40D新機都係$7800左右,30D貨尾六千幾都有,20D仲要係二手賣$4500太貴喇.我覺得頂盡俾$2800.其實你有成$4500預算,我建議點都加多小小買40D,9點十字型對焦點同埋每秒6.5幅連拍,用起來好唔同的.真正俾到你升級既感覺.