葯名及功效

我睇d藥,你父親似乎不只血壓有問題......
1) B-complex,其實係維他命B什,通常係腸胃/神經線問題o既輔助藥物。
2) Prochlorperazine,係一種好舊式,但常用o既止暈止嘔藥,副作用為有睡意,長期高劑量使用要注意情緒上的轉變(常用劑量為每日三次一粒)
3) Vidasta即Simvastatin,係一種降血脂o既藥物,用者要注意肝功能,要定期驗血做肝功能測試,主要副作用為作嘔及腸胃不適,亦可能有肌肉痛/肌肉無力,太嚴重o既就要同醫生講。
4) Nifedi-Denk即Nifedipine,係一種降血壓同可預防心絞痛o既藥,副作用為心跳減慢,肌肉無力,下肢水腫等。
5) Thiamine HCl 4mg係維他命B1,主要用作神經炎o既輔助藥物。
6) Asplilin(Aspirin?)係亞士匹靈,以前用作退燒/止痛,現時多用作薄血藥之用(高劑量300mg用作消炎,低劑量80-100mg用作薄血),主要副作用會引起胃潰瘍,故必飽肚服藥。
7) Cardura XL可作降血壓及減少前烈線肥大引起的尿頻,副作用為頭暈,心跳減慢。
8) MAG-A係中和胃酸o既藥,咬碎服,用作減少亞士匹靈引起的副作用。
9) Eurosee係維他命C,用作增強抵抗力
10) Corakong即Piprinhydrinate,用作止嘔同收鼻水/抗敏感之用,主要副作用為有睡意。
11) Revicon係一d酵素加上維他命,用嚟幫助消化。
總括而言,閣下父親的問題包括:神經痛,消化不良,血壓高,血脂過高,心肌栓塞(心絞痛);亦可能有前烈線肥大。

Diabetmin

chwong0304 發表意見專業