✔ 最佳答案
你可以買一個5日4夜嘅住院 package ($15800)。
做手術之前 8 - 12 個鐘唔好食嘢,去手術室之前要清潔下體,護士會幫你剃咗 D 毛,去到手術室醫生同麻醉師會簡單講一下手術情況,然後麻醉師會幫你麻醉,做完手術後會叫一叫你,你應咗就會推你返病房,BB檢查完就會推去 BB房。第一日護士會幫你抹身及洗下體,第二日開始就只會幫你洗下體。你個產科醫生會每日去幫你檢查,出院嗰朝就會幫你拆線,貼上防水貼,咁你返屋企就可以冲涼啦。 BB會一路住係 BB房直至出院,護士會幫你照顧 BB,你可以落床之後就可以試吓自己餵奶 ,唔識的話護士會教。除餵奶外,BB係唔會離開 BB房,屋企人要睇就要隔住玻璃睇啦。
唔洗驚,生完傷口好快就會好返,只係開頭會痛 D,不過好快就會冇事。
祝你生個健健康康,精精叻叻嘅 BB。