魚糧發霉呀?

乾魚糧一定係脫水架啦，杯麵ｄ都係脫水。真係會有ｄ野走出o黎好似發霉？
發霉就係發霉。正常魚糧如果沉底冇魚蝦食、又冇人清理，都必然發霉；今次點解一日就出現發霉，相信可能水溫高左，呢兩日去到成廿八九度，微生物都繁殖得快ｄ啦。
最緊要係日常管理，個個星期換水、主要吸缸底之外，投糧不應過量，三分鐘之內食得哂，寧少勿多，另外養ｄ工作魚蝦如鼠魚，o係缸底食剩糧都有幫助。

2008-04-17 23:27:44 補充：
其實你o個ｄ係乜野魚？

「如果魚糧大過bb魚既嘴，咁就唔怪之得佢地食唔到」絕不成立，以我自己繁殖金三角燈o既經驗，只要o個隻糧係o個種魚o岩食的話，大個佢個口只係代表佢一口食唔哂，佢可以慢慢啄－－如果佢有時間去啄的話。

其實魚冇咁易餓死，你少食多餐係多餘架，一日一餐都夠啦！除非你又有上／中層魚，又有低層o既鼠魚，否則未必要用到咁多種糧，反而可以用水浸淋左ｄ片糧，然後逐少放入，咁大魚細魚都食得。

「因為過濾器過唔到」：吸屎唔係過濾做o既，係人換水時做o既（換水應該專吸缸底）！一大條屎／一大舊糧沉左底，濾水器一定吸唔起，除非水流沖佢去到吸水口。而有糧沉到底等到發霉，唯一可能係你餵得太多啦！減糧啦。

香港燈魚論壇
http://hktetra.5d6d.com
歡迎您

魚糧係乾,
如果放落水一陣,
佢真係會比d灰灰白白既毛包住

魚糧發霉就一定會影響到水質,
因為魚糧入面有好多唔同物質,
有機會令d水混濁

成因就係可能你落得過多
or你落左,但係d魚 食唔到/唔食/食唔晒 d魚糧
同天氣無關係

我建議你就試下落少少睇下佢地食唔食
仲有我想問下你既魚糧幾大?
d魚bb幾大?
如果魚糧大過bb魚既嘴,
咁就唔怪之得佢地食唔到
如果大粒既話,
請你用一d物件好似螺絲刀既頭去壓碎d魚糧
如果係食唔晒,
咁你就減少落魚糧既份量~
如果唔食既話,
我諗你要換一換你隻魚糧
or等一排再試下落過魚糧~

2008-04-09 13:32:02 補充：
另外,
佢地都係食唔晒既話
or唔食而留低好多魚糧,
你就用網拎走晒d魚糧,
唔好比佢就咁係缸入面發毛~
水質差左既話,
魚會有機會死~

你所講既"發霉",係咪有d白色毛毛包住粒魚糧?

其實唔係發霉,係呢....因為d魚糧係脫水魚糧.如果掂到水就會慢慢散開,慢慢會有d白色毛毛.其實係冇問題.只要撈走d魚糧就得架啦～