✔ 最佳答案
乾魚糧一定係脫水架啦,杯麵d都係脫水。真係會有d野走出o黎好似發霉?
發霉就係發霉。正常魚糧如果沉底冇魚蝦食、又冇人清理,都必然發霉;今次點解一日就出現發霉,相信可能水溫高左,呢兩日去到成廿八九度,微生物都繁殖得快d啦。
最緊要係日常管理,個個星期換水、主要吸缸底之外,投糧不應過量,三分鐘之內食得哂,寧少勿多,另外養d工作魚蝦如鼠魚,o係缸底食剩糧都有幫助。
2008-04-17 23:27:44 補充:
其實你o個d係乜野魚?
「如果魚糧大過bb魚既嘴,咁就唔怪之得佢地食唔到」絕不成立,以我自己繁殖金三角燈o既經驗,只要o個隻糧係o個種魚o岩食的話,大個佢個口只係代表佢一口食唔哂,佢可以慢慢啄--如果佢有時間去啄的話。
其實魚冇咁易餓死,你少食多餐係多餘架,一日一餐都夠啦!除非你又有上/中層魚,又有低層o既鼠魚,否則未必要用到咁多種糧,反而可以用水浸淋左d片糧,然後逐少放入,咁大魚細魚都食得。
「因為過濾器過唔到」:吸屎唔係過濾做o既,係人換水時做o既(換水應該專吸缸底)!一大條屎/一大舊糧沉左底,濾水器一定吸唔起,除非水流沖佢去到吸水口。而有糧沉到底等到發霉,唯一可能係你餵得太多啦!減糧啦。