急!!40分(杰入) 鼠鼠ge口下面至到手的位置,看到紅色ge肉

唔洗咁嚴重,而幾多分都唔係重點,我都好希望可以幫到你既鼠鼠,只係有d情況真係要獸醫先處理到
你講既黃色野係生多左舊野咁,定係d排泄物整到黃左呢?因為唔太明白,但呢個問題好緊要,如果我估錯你既意思既話,希望你可以補充

鼠鼠病既初期雖然有時係冇咩特別咁,就算飲食同活動正常,一出現有異常情況都唔可以輕視,因為病毒可以忽然運行得好快,到見到鼠鼠唔行唔食既時候,再處理就會太遲,好多人都會因為咁而延醫

A.如果冇生左多舊野,只係見到d毛黃左
可能係排泄物整到咁,咁會令鼠鼠既毛黃同埋臭,而排泄物乾左,都會令d毛變硬,留意返鼠鼠既排泄物有冇異常
尿尿時又會唔會好困難?尿會唔會有血?如果有呢兩個情況,就可能係,膀胱or腎有事,咁就一定要睇醫生先幫到鼠鼠

只係因排泄物整到周圍都係既話,係好易令鼠鼠有皮膚病,令你見到佢甩毛甩到見到肉,呢個情況有皮膚病既做法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)
2)仔細檢查鼠鼠既食物,會唔會有寄生物,有時有既話未必咁易睇到,呢d寄生物都會令鼠鼠甩毛既
3)有皮膚病就要保持個籠乾爽清潔
4)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.
5)有俾鼠鼠飲既皮膚病內服藥水,叫"美毛素",如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,大約$55-70,買既時候記得睇下有效日期
6)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
7)唔好用有色or有味既木糠,因為呢d都好易令鼠鼠皮膚敏感,敏感嚴重起唻係會致命既
8)當然可以直接帶佢睇醫生啦

B.如果係生多左舊野,而又係硬,就可能係膿瘡or腫瘤
詳細處理方法可以睇返以下我回答既知識,字數有限唔多講了:
http://hk.knowledge.yahoo.com/question?qid=7008013101981

2008-04-10 16:21:41 補充：
樓下網友講既野有d唔同意,希望網友唔好介意,同埋留意返呢d問題:
1)冇藥膏係醫都腫瘤既,如果去問鼠店,鼠店可能係會叫你買一支皮膚病用既藥,有d網友都話,骨折去問鼠店,都係照買左呢隻返唻,但其實腫瘤係需要切除先可根治,不過都有良性or年老既鼠都唔會做手術

2)人既藥物千萬唔好用落鼠度,雖然好多藥都係用鼠去做實驗,但其實藥既份量係好唔同,藥物好多時都會睇返重量,人同鼠差得實在太遠
有d獸醫對小動物唔係咁熟,就會用貓狗藥再除返開小動物既體型去用藥,可想而知人既藥物對鼠唻講係幾咁重
用重藥可能會見到好得到咁,但實際對鼠鼠身體既影響又未必可以睇得到,實在唔建議胡亂對鼠鼠用藥呢

2008-04-10 16:21:58 補充：
唔好覺得外用藥就冇咩問題,外用藥一樣會被皮膚吸收,進入體內,早前都有人用外用藥,因為做運動後立即使用,加速藥既吸收速度,令藥力增強,又用得過多,結果死了,藥真係唔好亂用

應該係隻鼠感染到菌令到d 皮膚有問題, 我隻鼠現下巴都有粒瘡.

去藥房買支搽腫瘡嘅藥膏同佢搽下, (大概 $55 左右) , 另皮膚有問題好似人d 汗疹咁 就買支 coltrex 嘅藥膏搽, 專醫癬及汗疹.
藥廠都係用老鼠做實驗, 所以如合用應可醫到.

點都要試下, 唔睇醫生就實等死. 我隻鼠皮膚問題都係咁醫好, 而家醫緊粒瘡.

仲有要多d清潔佢個籠同d木糠及沙, 佢經常痾完尿又係度瞓番, 好易感染到細菌.

睇下幫唔幫到你.