✔ 最佳答案
唔知你兩隻鼠係咪放埋一齊呢?
鼠鼠喜歡用排泄物去表示該地係佢地盆,會周圍確定地方係佢,如果兩隻鼠一齊住,就更加會有爭地盆既情況,咁就會更加臭,鼠鼠年幼,一般都好少會即時打交,但大d就可能會打,所以希望你會考慮分籠
A.可以試下以下既方法去改善臭既問題:
1)每日都同鼠鼠打掃一下佢訓同埋排泄既地方
2)洗多d籠,可用牙膏or小動物專用消毒劑去清理,當然係一定要清得好好,唔會留返d在籠
3)用沖涼粉定期同鼠鼠沖涼,一星期最多兩次
4)俾鼠鼠用鼠廁所,減少排泄物周圍都係
教鼠鼠用廁所留意事項如下:
a)將鼠廁所既廁所沙加多,等鼠鼠排泄前有足夠既沙俾佢抓下先再去,大約厚0.5cm厚左右啦
b)唔係換木糠先將鼠鼠既排泄物先放落鼠廁所,平日得閒就執d落去,最好日日打掃下佢房,就將房既排泄物部份放入鼠廁所中
房既味同埋排泄物都比較多,用呢d會好d
c)未學識時勤力d去清理廁所外既排泄物,一來衛生d,冇咁易令鼠鼠有皮膚病,二來令鼠鼠慢慢習慣鼠廁所先有排泄物
d)俾d耐性去教鼠鼠,佢本身唔慣既時候,係需要好長時間先會學識,但有時隻隻鼠性格唔同,佢本性係唔鍾意用廁所係好難學得識,正如人本身係好亂,要糾正成整齊都唔容易呢!
5)唔好用有味既木糠or沖涼粉,因為加埋d排泄物味會仲臭,又易令鼠鼠敏感
6)放D人用唻除味既野在籠邊,要距離鼠鼠一段位置,令鼠鼠唔會掂到
同時咁放既話,必須確保個籠係唔會俾鼠鼠有走到既機會,鼠鼠係逃走專家,走佬好叻,俾鼠鼠走到出唻,食左就大件事了
B.如果情況都冇改善,要留意下臭味會唔會唔係尿味,因為鼠鼠身上有個腺位,係放出氣味,發情期會味大d,但長期好臭就可能係個孔塞左,留意下有冇紅腫等問題.熊仔鼠既腹在身既側,而細隻既鼠就在身下中間左右,塞左就要睇醫生處理先得
C.另外,其實鼠鼠最好分籠,如果係唔同性別,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
2008-04-10 16:27:22 補充：
樓下網友講既野有d唔同意,希望網友唔好介意:
唔建議將沖涼粉放入籠入面,因為咁會令鼠鼠成日都可以去沖涼,沖得太多反而令鼠鼠抵抗力下降,熱天一星期最多沖兩次
如果係廁所沙既話,就冇問題
2008-04-11 02:19:35 補充：
濕既地方係咩位置呢?排泄物有冇異常?如果冇經過沖涼,會唔會係長期不斷濕?好濕定係好少呢?
如果係長期都濕既話可參考以下我回答既知識:
http://hk.knowledge.yahoo.com/question?qid=7007120300151
如果係少少濕既話,可能係自己舔濕,都要留意會唔會佢地會在自己既尿上面玩而令尿整左上身
2008-04-11 02:19:40 補充：
氣味要睇返係由d濕左既地方發出,定係佢地本身既味,如果係體味,兩隻鼠一齊既話,係會較大味,唔係腺塞左既話,就真係只可以由得佢地及留意返之前回答既正文.同鼠鼠沖涼既方法可以參考以下我回答既知識:
http://hk.knowledge.yahoo.com/question?qid=7008021604136
真係好濕要幫鼠鼠沖涼既話,太密易令鼠鼠抵抗力下降,所以成日要整乾佢既話,可以沖得是旦一點
