✔ 最佳答案
你問了幾個問題，分開答。
1 住院保險是否一簽名就生效
交了保費，保險經紀會即時發一張印有公司名稱的臨時收據比你，你的保障在交保費的一刻已經即時生效。但要注意某些疾病是要保單生效後30天至90天後出現先有得賠。詳情要睇合約點寫。
2 同唔同保險公司買不同保險會唔會好麻煩
會。基本上每個sale只會處理自己做的單的賠償。即係你同A公司買單，就搵A公司的sale 攪賠償。你同B公司買單，就搵B公司的sale 攪賠償。如果你個sale好，會同你攪捚另一間的賠償，之後就會遊說你轉去佢公司投保。
3原有的危疾同女性保險會唔會受到影響
要睇你當時張單點出。我朋友在同一間公司買了兩隻唔同的保險，但只用一個保單編號（policy number），呢兩隻單就連在一起，最近才知道，只要其中一隻保險賠了，縱使另外一張單冇賠過，兩隻保險單都會同時完結（簡言之，即另外一隻白供了）。如果你3張單是連在一起的，好可能cut 了其中一樣，其他兩樣都一齊cut 埋，你要問清楚。
4 轉買另一間公司的同類型保險(cut了原有的住院保險),有無問題呀
原則上沒有問題。呢類保險會經常轉，因為公司有得保自己就唔駛買（費事嘥錢）。同埋政府都攪緊醫療保障，所以會因應政府的政策而調整自己份保單。
5 轉買另一份住院保險,我應該注意什麼
要留意保障夠唔夠，有事時你會住私家定政府，每項支出點賠，如果只是住日間醫院做小手術（即日出院）或者檢查，有冇得賠。邊d病要等保單生效後幾多天先有得賠。不防多問幾間報價，你就知邊間公司出的單最合你。最好等新單所有等候期都過晒先好cut 舊單。
