我係一個大肚新主婦, 好頭痛, 家務應如何分配?

WELL.... 如果你的身體狀況係正常亦是健康的話, 我相信沒有什麼好頭痛的. 現在只不過可能因大肚, 情緒不穩, 這亦是正常.
既然大肚, 攰是正常, 不要太執著家務. 首先係自己要有足夠的休息,
1. 早上買餸就容易亦有很多選擇及食物新鮮D. 作為晚餐之用, 每次買1-2日的餸, 第二日自然多一點時間. 煮晚餐, 要洗, 要浸的可以4點以後做, 67點才煮, 煲湯就要4點開始煲, 不用日日煲, 可以隔日滾湯就簡單些, 不用太多功夫, 亦不用太多時間.
2. 去買餸前就開洗衣機洗衫, 買餸後回家都洗完啦, 就可以掛起了. 衫不用每日洗, 兩個人可以一星期開機洗三次就夠啦, 不用日日做的. 收衫可以請老公返來幫你收, 你只不過坐著摺吧!
3. 大肚的你其實不用吃很多, 小吃多餐就可以, 營養是最重要的, 奶, 麥片, 飽已經可以是你的早餐, 中午亦可以是簡單的通粉, 買個飯盒亦可以不用煮就不用洗. 閒時看書多吃水果就OK.
4. 正常2-4的時間可以睇書 OR 訓晏覺, 起身先去洗頭, 大肚不宜日日洗頭!
5. 唔知你間屋又多大, 整理屋企係要的, 不過因為大肚, 如果不是太污槽, 掃地可以早晚一次, 隔日拖地當做運動. 要執的東西應該不會太多吧! 當然日積月累就麻煩D, 都要做的, 日日清D, 一定可以攪掂. 一星期洗兩次廁所 (水喉OR 花酒洗, 不太辛苦吧!), 垃圾可以請老公放狗時倒, 一舉兩得, 垃圾就不能過夜啦!
6. 放狗, 就應該由你老公做, 本來晚上放狗可以當運動, 但對一個大肚婆來說太吃力, 可以同老公一起放比較好, 怕你動胎氣, 又唔夠隻狗跑, 又要踎底拾屎, 請老公做好D. 不過為了BB 安全, 其實都不宜養狗, 如果BB 有敏感就麻煩, 到時辛苦個個人係你呀!
7. BB出世後的一個月內, 請工人就好D, 請你媽OR他媽幫你照顧及做些少家務都不過份, 之後呢, 還是請工人比較實際, 你可以由生前的一個月請陪月及坐月的工人幫手, 前後起三個月, 有貴有平, $6000起一個月計算. 看你還是不要慳了, 平日做家務都有困難, 生完都係找人幫好了.
我BB出生後, 老公當然要幫BB洗澡, 餵奶....etc. 頭個月媽咪就會來煮飯, 一煮就兩餐, 第二個月開始就靠自己, 不過都不會太難的, 星期六日先買餸, 多煮些碟頭飯, 如一煲咖喱, 扖餐加罐頭湯, 甘針雲耳蒸雞 (調味後將材料放到電飯煲一齊焗就可以), 炒飯.....
BB 6個月大時就請工人啦, 要返工嘛! 大肚時, 唔想煮又唔想洗, 就出街食, 一係就回娘家食 (尤其在生前的兩個月), 早些CUT 短頭髮, 洗又方便, 唔洗日日去整頭.
記著不要給太多壓力給自己, 唔想做就不要做, 有精神才做, 當然老公&家人願意自動幫手係最好, 但亦要明白不是個個都有咁既福氣, 如果開口都冇人幫, 自己出錢找人做囉! 沒有事情解決不了的. 可以好像小學生時, 為自己編個時間表, 就容易得多, 多個人仔啫, 唔係天跌落嚟, 沒有什麼大不了的.
GOOD LUCK!!

因大肚需要多些休息，妳要做那麼多野，是會影响胎兒的！同老公商量吓，可以的話就請個外傭，不然也應請個鐘點工人，每日或一星期三天，每日二至三小時幫忙做家務，以減輕妳的工作。

如果上述方案行不通，妳自己就要計劃一下家務的分配，如一日其中一餐可以去阿媽家中吃，洗衫可以拿去洗衣店磅洗，執屋唔需要日日執，可以在老公每星期放假時一起執，放狗應該待老公放工後做。

建議和他一起去聽聽產前講座，待他明白大肚婆面對的問題。

提提妳，生產後一定要請個陪月（好的陪月要預約多月的）幫忙，經驗所得，怎樣慳錢這個也不能慳！

你應該同你老公商量下, 揾個鐘點回來做家頭細務, 你負責放狗, 及多d休息, 做得太累, 回影響胎兒, 你老公也不想看到, 大肚婆須要煲多d湯水飲, 得閒放狗, 散步, 晚上吃完飯叫你老公同你散步, 傾下計, 壓力無那麼大, 唔會覺得時常孤令令感覺, 你那麼辛苦, 你的腰部會很痛, 將來你小朋友要你抱, 你也抱不起, 所以現時你有空要去睇中醫, 補下條腰, 否則你個肚越大, 腰部太辛苦, 到生左之後, 請親人或倍月倍你坐月, 因為生完已經很累, 及又要飲人奶, 那麼睡也很少, 人會很唔來煩湊仔的, 所以到時找人做家務也要一段時間, 等你接到手, 弄得點才不用鐘點吧, 祝你生個肥肥白白可愛的bb

自己食可簡單d,在街食就ok,不用洗,做小好多,果d時間用來做自已野;只做晚上一餐,so easy!衫可兩天洗一次,兩人住不太多野做,好好享受吓
我果時索性去學做cake,又可去找短coruse讀吓,無咁悶,有人傾吓,好得多,家務
可以慢慢做,"長命功夫長命仗做","做到老時學到老"緊記

悶可找fr行街.傾聽

首先要習慣左無野做的生活(無工反),才想其它

我剛剛生完22日,我生完後我覺得盛個世界變咗,如果你唸往生完自己做家務,我可以話你知無可能.......我唸你現在徐了休息外最好唸定生完边個同你坐月,边個同你照顧ＢＢ,這兩点重要過做家務.當你生完bb身體已经消耗體力,唔好話做家務,三歺都好難自己做,加埋情緒會有起伏,所以老公都要做好準備,屋企人可以的話就盡量減輊你嘅家務,到bb出世你會有突然其來嘅轉變,例如...身体要休息但半夜bb哭鬧又要餵奶.........bb哭一晚你仲可以頂得住.......如果晚晚要餵就會有辛苦感覺,所以好好享受大肚生活,同老公好好傾計劃生後準備,祝你有奇妙旅程!!!!!!!!!!!!!!