俊和711,Yoki sir請問前景如何?現在有沒有改變初衷......

隻俊和（７１１）我已出出入入走左幾轉了！

現時股價我見在近＄１邊的支持力是好大，所以我時常捕佢這些位入市，風險都是見＄０．９Ｘ左右，所以風險唔係好大！

最近所見，似乎見番＄１邊的機會已細了．．．
圖片參考：http://tw.yimg.com/i/tw/ugc/rte/smiley_2.gif
，看似要越買越貴了！

今天此股曾經一度回落，見＄１．０５已跌不落，迅間已升番＄１．０８樓上．．．

如果真係畀佢見到＄０．９Ｘ，我想已經好多人好似我一樣趁低吸納！

先前佢在恐慌下或被故意推至＄１樓下，人人都不知個底係邊，所以出於恐慌下才見＄０．９Ｘ！

當發覺＄０．９Ｘ支持好大時，想沽的人都未必再在此位再推下去，因為可能自己是最低位沽貨的一個！

相反，當時見＄０．９Ｘ的人，入貨撈底都是〔博博下〕，心口掛左個勇字，博佢自己的入貨位是底位，結果事後孔明下，＄０．９Ｘ原來是此股的底位！

此股由於股價只有＄１多些，升一格已是近１％，所以炒波幅，好好炒！

因此，下次如再見＄０．９Ｘ，情況可能同上次見＄０．９Ｘ不同了，因為一定會多了人撈底，所以在防守性方面，應該會高過上一次！

你說ＰＥ太低，其實這個ＰＥ是歷史ＰＥ，毫無作用，因為今年上半年條數已出左是大跌９成，因此現時的０７年ＰＥ不是那麼低！

但是到了下一個入帳高峰期，ＰＥ又會大幅降低，所以這就是這間公司的特質！

在價值上，此股已低過資產值，甚至低過一些可以好快變成現金的資產值，所謂好快變成現金的資產值是包括銀行存款及應收帳等，因此在價值上真係冇幾多空間畀你插！

相反，向上是好有空間，潛在空間有１至２倍，我看中移動（９４１）等熱門股，最叻是畀你升多２－３成，所以此股的〔值博率〕是很高也！

到時真係升唔升到，到時先至知，但條件是有，即是隻馬已操起罷係度，贏唔贏就睇騎師發揮了！

我說我出出入入，即是話我都會沽貨，當佢升得太急，我就派番啲出去，佢冇幾耐又會軟番，佢軟番我又買番，如此操作！

此股今年不是黃金期，所以我未開始坐，仍然是打游擊，不是打陣地！由於大市仲係未叫明朗，所以仍然要保持游擊戰術！

但時間越過，我將會慢慢加大此股的持貨，迎接其下一個高峰期！

YOKI WONG
圖片參考：http://tw.yimg.com/i/tw/ugc/rte/smiley_1.gif